விக்ரம் – நயன்தாரா நடிப்பில், ஆனந்த் சங்கர் இயக்கி வரும் “இருமுகன்” படத்தின் படப்பிடிப்பு மலேசியாவில் நடைபெற்று வருகிறது. இதற்காக மலேஷியா சென்ற நயன்தாரா திரும்பி வரும்போது விமான நிலையத்தில் சோதனை செய்யப்பட்ட விவரம் பெரிய பரபரப்பை ஏற்படுத்தியது. மேலும் போதைப்பொருள் வைத்திருந்ததாக நடிகை நயன்தாராவின் பெயர் கடந்த சில நாட்களாக ஊடகங்களில் பரபரப்பாக அடிபட்டு வந்தது.

இதுகுறித்து இருமுகன் படக்குழுவினர் வெளியிட்டுள்ள விளக்க அறிக்கையில் கூறியுள்ளதாவது:

மலேஷியாவின் இரண்டு பன்னாட்டு விமான முனையங்களில் பணி அனுமதி விதிமுறைகள் வேறுபட்டவை. வழக்கமாக இந்தியாவுக்கு செல்லும் பயணிகள் “கே.எல்.1” முனையம் மூலம் பயணிப்பர். ஆனால் புதிய விமான சேவை நிறுவனமான மலிண்டோ “கே.எல்.2” முனையம் மூலம் இயங்குகிறது.

அம்முனையத்தில் குடியேற்ற அதிகாரிகள், நயன்தாராவின் உதவியாளர்களிடம் அவர்களுக்கான பணி அனுமதி மற்றும் அதன் விசா முத்திரைப்பதிவுக்கான சில விளக்கங்களை கேட்டுள்ளனர். பிற்பாடு நயன்தாராவே அதிகாரிகளிடம் பேசி பிரச்சினைகளுக்கு தீர்வு கண்டதோடு, அவரும், அவரது உதவியாளர்களும் இந்தியாவுக்கு எவ்வித இடையூறுமில்லாமல் பயணித்துள்ளனர்.

இந்நிலையில், நயன்தாராவின் பாஸ்போட் நகல் அந்நாட்டு இணையதளங்களில் வெளியானது குறித்து, மலேஷியா காவல்துறையில் புகார் ஒன்றை “இருமுகன்” படக்குழுவினர் அளித்துள்ளனர்.

விஜய் ஆண்டனி நடிக்கும் ‘எமன்’ படத்தை தயாரிக்கும் லைகா productions. திரைப்பட தயாரிப்பில் தன்னிகரற்று வளர்ந்து வரும் லைகா productions நிறுவனம் தரமான கதைகளையும், வர்த்தக ரீதியாக வெற்றி பெறக் கூடிய நட்சத்திரங்களையும், இயக்குனர்களையும் வைத்து படம் தயாரித்து வருகின்றனர்.

நான் படத்தின் மூலம் நடிகராக அறிமுகமாகி, தொடரும் வெற்றிகளால் நட்சத்திர அந்தஸ்துக்கு உயர்ந்து உள்ள விஜய் ஆண்டனியை தங்களது அடுத்த தயாரிப்பான ‘எமன்’ படத்துக்கு கதாநாயகனாக ஒப்பந்தம் செய்து உள்ளனர். வர்த்தக ரீதியாக பெரும் வெற்றி பெற்ற ‘நான்’ படத்தை இயக்கிய ஜீவா சங்கரே இந்தப் படத்தையும் இயக்க இருப்பதுக் குறிப்பிடத்தக்கது.

கதாநாயகனாக நடிப்பதோடு, இசை அமைக்கவும் செய்கிறார் விஜய் ஆண்டனி. கதை இயற்றுவதோடு, ஒளிப்பதிவு செய்வதோடு, இயக்கவும் செய்கிறார் ஜீவா ஷங்கர். செல்வாவின் கலை வண்ணத்தில், வீர செந்தில் படத்தொகுப்பு செய்ய, ஷெரிப் நடனம் அமைக்க, திலிப் சுப்புராயன் சண்டை காட்சிகளை அமைக்கிறார்.

விஜய் ஆண்டனியுடன் இணைவது என்பது என்னை பொறுத்த வரை தாய் வீட்டுக்கு வருவதை போன்றது தான். ‘நான் ‘திரை படத்தில் இருந்து இன்று வரை அவருடைய அசுரத் தனமான வளர்ச்சி என்பது அவரது உழைப்புக்கு சான்று.

எமன் படக் கதை ‘நான்’ படம் இயக்கும் போதே என்னிடம் தயாராக இருந்தது. அந்தக் காலக் கட்டத்தில் அந்தக் கதையை நான் நல்ல மாஸ் இமேஜ் உள்ள ஸ்டார் நடிகருக்கு செய்து வைத்து இருந்தக் கதை. இன்று அந்தக் கதைக்கு முற்றிலும் பொருத்தமாக விஜய் ஆண்டனி வளர்ந்து இருப்பதே அவரது வெற்றிக்கு அத்தாட்சி.

‘எமன்’ தலைப்பு கதைக்கு பொருத்தமாக இருக்கும். நாம் பொதுவாக எண்ணுவதைப் போல் எமன் என்பவர் மரணத்துக்கு மட்டுமே கடவுள் அல்ல. அவர் தர்மத்தை காக்கும் கடவுளும் ஆவார். இந்தப் படத்தின் கதைக் கரு வரும் நாட்களில் பேசப்படும் படமாக இருக்கும்.

‘எமன்’ முற்றிலும் ஜனரஞ்சகமான, எல்லா தரப்பினரும் ரசிக்கக் கூடிய படமாக இருக்கும். தமிழ் திரை ரசிகர்களுக்கு தரமான பொழுது போக்குப் படங்களை தர வேண்டும் என்று தீர்மானமான முடிவுடன் இருக்கும் லைகா productions நிறுவனத்தினருக்கு முற்றிலும் ஏற்றப் படமாக இருக்கும் ‘எமன்’ என்றுக் கூறினார் இயக்குனர் ஜீவா சங்கர்.

தன்னை நிரூபித்து வென்ற ஒரு படத்தின் அடுத்தடுத்த பாகங்கள் உருவாக்கி வந்து ரசிகர்களை மகிழ்விப்பது சந்தோஷமான பெருமைக்குரிய விசயம் அல்லவா ?

சென்ற வருடம் அப்படி வென்ற படங்களில் மிக அட்டகாசமான வெற்றியைப் பெற்ற படம் டார்லிங். மீண்டும் ஒரு முறை அவராலேயே எழுதப்பட இருக்கிறது டார்லிங் -2 படம் மூலமாக .!

ஜின் என்ற பெயரில் உருவாகத் துவங்கிய படம்தான் இது, ஜின் எப்படி டார்லிங் 2 ஆனது ?

இதற்கு வெற்றிப் புன்னகையோடு பதில் சொல்லும் ஞானவேல் ராஜா “ஒரு பெயரோடு தொடர் பட வரிசையில் வரும் இரண்டாவது படம் கதையிலோ நடிக நடிகையரிலோ முதல் படத்தோடு ஒத்துப் போகவேண்டும் என்பது கட்டாயமில்லை. படத்தின் குணாதிசயத் தன்மை ஒன்றாக இருந்தாலே போதும்.

இந்த டார்லிங் 2 படத்தை இயக்கி இருப்பது அறிமுக இயக்குனரான சதீஷ் சந்திர சேகரன்.

ஐந்து நண்பர்கள் பேய் பிடித்த ஒரு நண்பனோடு சேர்ந்து ஒரு பயணம் போகிறர்கள் என்ற ஒற்றை வரியே என்னை மிகவும் கவர்ந்தது. ஒவ்வொரு காட்சியிலும் திகிலோடு நகைச்சுவையும் பின்னிப் பிணைந்து அமைக்கப்பட்ட திரைக்கதை, இது கண்டிப்பாக வெற்றி பெறும் என்று கட்டியம் கூறியது.

மெட்ராஸ் புகழ் கலையரசன், மற்றும் காளி வெங்கட், அர்ஜுன், முனீஸ்காந்த், ‘மெட்ராஸ்’ ஜானி போன்றவர்களோடு அறிமுகங்களான ரமீஸ் ராஜா மற்றும் மாயா.. என்று திறமை மிக்க கலைஞர்களின் கூட்டணி இந்தப் படத்தில் இருந்தது இன்னும் பலம் சேர்த்தது.

அதோடு ஜின் என்ற பெயரை டார்லிங் -2 என்று மாறுவது பற்றிய யோசனை சிறு தயக்கமும் இல்லாமல் எல்லோராலும் ஏற்றுக் கொள்ளப்பட்டது.

அடுத்த மாத துவக்கத்தில் வெளிவர இருக்கும் இந்தப் படம் ரசிகப் பெருமக்களின் டார்லிங் ஆக இருக்கும் என்பதில் எங்களுக்கு சந்தேகம் இல்லை” என்கிறார் உறுதியாக

சில நாட்களுக்கு முன்பு வெளியிடப்பட்ட பாடல்களுக்கு அமோக வரவேற்பு கிடைத்துள்ள நிலையில, படத்தின் இசையமைப்பாளருக்கு மனதாரப் புகழ் மாலைகள் சூட்டுகிறார் இயக்குனர் சதீஷ் சந்திர சேகரன்.

“நா ச காரே சா.. என்று துவங்கும் பாடலைக் கேட்ட பிறகு, அதைப் படமாக்குவதற்கு முற்றிலும் புதுமையான ஒரு ஐடியாவே தோன்றியது. பாடலுக்கான தன்மை, லொக்கேஷன், உடைகள் என்று எல்லாவற்றையும் அந்த மெல்லிசைப் பாடலைக் கேட்ட பிறகு வேறு மாதிரியாக திட்டமிட முடிந்தது. அந்த அளவுக்கு அது சிறப்பான பாடல். பாடல் மட்டுமல்ல, படம் மிக சிறப்பாக வந்திருக்கிறது.

அதுவும் ஸ்டுடியோ கிரீன் என்கிற மாபெரும் நிறுவனத்துடன் இணைந்து வருவது எங்களுக்கு மிக மிக உற்சாகம் தரும் அரிய வாய்ப்பாக இருக்கிறது. இந்த டார்லிங் -2 திரைப்படம் முதல் படமான டார்லிங்கின் பொருத்தமான தொடர்ச்சியாக இருக்கும் என்பதில் எந்த ஒரு சந்தேகமும் இல்லை” என்கிறார் நம்பிக்கையோடு.

இந்நிலையில் இப்படத்தின் ப்ரோமோ பாடல் ஒன்று இன்று மாலை வெளியாகும் என அறிவிக்கப்பட்டுள்ளது. இதை நடிகர் சிவகார்த்திகேயன் தனது டிவிட்டர் பக்கத்தில் வெளியிடவுள்ளார்.