ராஜஸ்தானை சேர்ந்த மணப்பெண் ஒருவர் திருமணத்துக்கு மணமகன் அணியும் ஷெர்வானி ஆடை அணிந்து, குதிரையில் ஏறி வந்துள்ளார்.
தமிழ் நாட்டில் விமரிசையாக நடக்கும் திருமணங்கள் போலவே, வட மாநிலங்களிலும் பல்வேறு சடங்குகளோடு திருமணம் கோலாகலமாக நடத்தப்படும்.
மாப்பிள்ளை அழைப்பு போல, வட மாநிலங்களின் பெரும்பாலான திருமணங்களில், மணமகன் குதிரை மீதேறி ஊர்வலம் வருவது ஒரு சடங்காக இருக்கும்.
குதிரை சவாரியில் மணமகன் ஊர்வலம் ஒரு பெருமையாக கருதப்படும். ராஜஸ்தானில் நடக்கும் திருமணங்களில், இந்த சடங்கின்பெயர் ‘பண்டோரி’ என்று அழைக்கப்படுகிறது.
ராஜஸ்தான் சிக்கார் மாவட்டத்தில் உள்ள ரனோலி என்றொரு கிராமத்தில் மணமகன் குதிரையில் ஊர்வலம் வருவதற்கு மாற்றாக, மணமகள் செர்வானி அணிந்து ஊர்வலம் வந்து, பண்டோரி சடங்கை நிறைவேற்றியுள்ளது நாடு முழுவதும் வைரலாக பரவி வருகிறது.
ஆண் பெண்ணுக்கிடையே பேதமில்லை, இரு பாலருமே சமமானவர்கள் என்பதை வெளிப்படுத்த வேண்டும் என்பதற்காக மணப்பெண் கிரித்திகா சைனியின் குடும்பம் இந்த சடங்கை மணப்பெண்ணை வைத்து செய்ததாக செய்திகள் தெரிவிக்கின்றன.
மணப்பெண் கிரித்திக்காவின் இந்த செயல் மிகவும் பாராட்டுக்குரியது. தென் மாநிலங்களை விட, வட மாநிலங்களில், குறிப்பாக கிராமப்பகுதிகளில் பெண்களுக்கு ஏகப்பட்ட கட்டுப்பாடுகள் இருக்கும்.
பெண்களுக்கு கல்வி என்பதே அரிது. பல ஆண்டுகளுக்கு முன்பு நாடு முழுவதும் நிலவி வந்ததைப் போலவே, சமையல் மட்டும் வீட்டு வேலைகளுக்கு மட்டுமே பெண்கள் என்ற நிலை இப்போதும் பல வட மாநில கிராமங்களில் காணப்படுகிறது.
திருமணம் மிகவும் முக்கியமான நிகழ்வு என்பதால், மணப்பெண் மணமகனைப் போல ஆடைகள் அணிந்து, குதிரையில் வலம் வந்தது சமூகத்தில் மிகப்பெரிய உதாரணமாக இருக்கும்.
மணமகளின் தந்தை மகாவீர் சைனி, அசாதாரணமான மற்றும் அதிகாரமளிக்கும் செயலைப் பற்றிப் பேசினார், மேலும் அவர் தனது மகள்களை மகன்களைப் போல வளர்த்ததாகக் கூறினார். ஒரு மகனைப் போலவே மகளின் திருமண ஊர்வலத்தை அழைத்துச் செல்ல அவர் எப்போதும் விரும்பினார்.
திருமண நிச்சயதார்த்தத்தின் போது ரூ.1 லட்சம் ‘சகுன்’ தொகையை மணமகன் ஏற்க மறுத்ததாகவும் அவர் கூறினார். திருமணத்திற்கு முந்தைய சடங்குகளுக்குப் பிறகு, கிருத்திகா மணீஷ் சைனியை டிசம்பர் 1 அன்று திருமணம் செய்து கொண்டார்.
மணமகன் மற்றும் மணமகள் இருவரும் நன்கு படித்தவர்கள் மற்றும் தகுதியானவர்கள். கிருத்திகா ஜெய்ப்பூரில் பேஷன் டிசைனிங் படிப்பை முடித்திருந்தாலும், மணமகன் தொழில் ரீதியாக கணக்காளராக உள்ளார். கிருத்திகா சாரணர் அமைப்பிலும் சுமார் 7 ஆண்டுகள் பணியாற்றியதற்காக மாநில மற்றும் மாவட்ட அளவில் பல விருதுகளைப் பெற்றுள்ளார். குடும்பத்தில் இளையவரான கிருத்திகாவுக்கு மூன்று சகோதரிகள் மற்றும் இரண்டு சகோதரர்கள் உள்ளனர்.
ஒரு மணமகள் அனைத்து பாலின ஸ்டீரியோடைப்களையும் விலக்குவது இது முதல் முறை அல்ல. சுமார் இரண்டு ஆண்டுகளுக்கு முன்பு, ராஜஸ்தானைச் சேர்ந்த நேஹா கிச்சார் என்ற மணமகளும் ஷெர்வாணி உடுத்தி, ‘பந்தோரி’ எனப்படும் திருமணத்திற்கு முந்தைய சடங்கில் குதிரையில் சவாரி செய்தார். ஐஐடி பட்டதாரியான இவர், மதுரா சுத்திகரிப்பு ஆலையில் இந்தியன் ஆயில் நிறுவனத்தில் அதிகாரியாக பணிபுரிந்தார்.
மணமகள் கிரித்திகா அணிந்திருந்த ஷெர்வானி அவரே தயாரித்தது என்பதும் குறிப்பிடத்தக்கது.
