‘பிங்க்’ டெஸ்ட்: கோலி தந்த ஆதரவு; கேலி செய்த ரசிகர்கள்!

சிட்னியில் நடக்கும் ‘பிங்க்’ டெஸ்ட் போட்டிக்கு இந்திய அணி கேப்டன் கோலி தன் ஆதரவை தெரிவித்தார்.

ஆஸ்திரேலிய அணி முன்னாள் வேகப்பந்து வீச்சாளர் மெக்ராத்தின் மார்பக கேன்சர் பவுண்டேஷனுக்கு ஆதரவு தரும் வகையில் ‘பிங்க்’ (இளஞ்சிகப்பு) டெஸ்ட் என்று அழைக்கப்படுகிறது.

‘ஸ்டம்ஸ்’, விளம்பர பேனர்கள் என மைதானம் முழுவதும் ‘பிங்க்’ நிறத்தில் காணப்படுகிறது. மைதானத்திற்கு வெளியே இதற்கு ஆதரவு தர வேண்டும் என கேட்டு ‘பிங்க்’ நிறத்தில் ராட்சத பந்து வைக்கப்பட்டுள்ளது.

டெஸ்ட் போட்டி துவங்கும் முன் இரு அணி வீரர்களுக்கும் மெக்ராத், ‘பிங்க்’ நிற தொப்பியை வழங்கினார். இதனிடையே மயங்க் அகர்வால் அவுட்டானதும் கேப்டன் கோலி களமிறங்கினார். இந்திய ரசிகர்கள் அவரது பெயரை உச்சரித்து வரவேற்றனர்.

மெக்ராத் பவுண்டேஷனுக்கு ஆதரவு தரும் வகையில் கோலி தனது பேட், கால் பேடில் ‘பிங்க்’ நிற ‘ஸ்டிக்கர்’ ஒட்டியிருந்தார். கிளவ்ஸ், பேட்டின் கைப்பிடி என அனைத்தையும் இதே நிறத்துக்கு மாற்றி இருந்தார். ஆனால் ஆஸ்திரேலிய ரசிகர்கள் கோலியை கேலி செய்யும் வகையில் சப்தம் எழுப்பி வரவேற்றனர். இது பலருக்கும் அதிர்ச்சியைத் தந்தது.

Posts by ரம்யா ஸ்ரீ:

• 2027 ஜன.1 முதல் புதிய காசோலைகளா? ரிசர்வ் வங்கி விளக்கம்!
• ஒளிமயமான எதிர்காலம்! – பிரதமர் மோடி தீபாவளி வாழ்த்து!
• இன்று அன்னாபிஷேகம்; சிவாலயங்களில் குவிந்த பக்தர்கள்!
• அக்.1 முதல் கவனம்: கேஸ் சிலிண்டர் வாடிக்கையாளர்கள் செய்ய வேண்டியது!
• அக்.1 முதல்… ரேஷன் அட்டை வைத்திருப்போர் கவனத்துக்கு!