புடினை விட ஒபாமாவாலேயே அமெரிக்காவுக்கு ஆபத்து: கருத்துக் கணிப்பு

ரஷ்ய அதிபர் விளாடிமிர் புடினை விட அதிபர் ஒபாமாவே அமெரிக்காவுக்கு ஆபத்தைத் தரக்கூடியவர் என்று குடியரசுக் கட்சியைச் சேர்ந்த மூன்றில் ஒருவர் கருதுவதாக புதிய ஆய்வு ஒன்றில் தெரிவிக்கப்பட்டுள்ளது. இணையதளம் வழியாக இம்மாதம் நடத்தப்பட்ட ஆய்வு ஒன்றில் அமெரிக்காவிற்கு அதிக ஆபத்தைத் தரக்கூடிய நபர் யார் அல்லது நாடு எது என்ற கேள்விக்கு, 2809 நபர்கள் தங்கள் கருத்துகளை பதிவிட்டிருந்தனர். அதில் சுமார் 1083 பேர் ஜனநாயகக் கட்சியைச் சேர்ந்தவர்கள். 1059 பேர் குடியரசுக் கட்சியைச் சேர்நதவர்கள். இந்தக் கருத்துக் கணிப்பில் ஒபாமாவே அதிக அச்சுறுத்தல் தரக்கூடிய நபர் என குடியரசுக்கட்சியைச் சேர்நதவர்களில் 35 சதவீதம் பேர் தெரிவித்துள்ளனர்.