ஒலிம்பிக் போட்டிகள் – இந்திய வீரர்களின்
இன்றைய வெற்றி, தோல்வி விவரங்கள்
-முனைவர் கு.வை. பாலசுப்பிரமணியன் –
ராணி ராம்பால் தலைமையிலான இந்திய மகளிர் ஹாக்கி அணி ஒலிம்பிக் தங்கப் பதக்கம் வென்ற கிரேட் பிரிட்டனுக்கு எதிராக 4-1 என்ற கோல் கணக்கில் தோல்வியடைந்ததால், நடந்து வரும் விளையாட்டுகளின் ஐந்தாவது நாள் ஏமாற்றமளிக்கும் வகையில் தொடங்கியது.
பி.வி.சிந்து, பேட்மிண்டன் மகளிர் ஒற்றையர் குழுமத்தில் இரண்டாவது வெற்றியைப் பெற்று காலிறுதிக்கு முந்தைய சுற்றுக்கு முன்னேறியதன் மூலம் ரசிகர்களுக்கு மகிழ்ச்சியைத் தந்தார். அவர் ஹாங்காங்கின் என்.ஒய் சியுங்கை 21-9, 21-16 என்ற நேர் செட்களில் தோற்கடித்தார்.
வில்வித்தைப் போட்டியில் பிரவீன் ஜாதவ் தனது முதல் சுற்றில் உலக நம்பர் 2 கல்சன் பஜார்ஜபோவை வெற்றி பெர்று மகிழ்ச்சி அளித்தார். ஆனால் பின்னர் உலக நம்பர் 1 பிராடி எலிசனிடம் தோற்றார்.
தருண்தீப் ராய் தனது முதல் போட்டியில் வென்றார், ஆனால் இறுதியில் ஆண்களின் தனி நபர் போட்டியில் 32 வீரர்கள் போட்டியிடும் சுற்றில் இஸ்ரேலின் இட்டே ஷானியிடம் 5-6 என்ற கணக்கில் தோல்வியடைந்தார். அவருக்கு இனி பதக்க வாய்ப்பு இல்லை.
அர்ஜுன் லால் ஜாட் மற்றும் அரவிந்த் சிங் ஆகியோர் அரையிறுதி ஆட்டத்தில் இலகுரக ஆண்களின் இரட்டை துடுப்பு போட்டியில் 6: 24.41 நேரத்துடன் ஆறாவது இடத்தைப் பிடித்தனர், இது இந்தியாவில் ஒலிம்பிக் வரலாற்றை உருவாக்கியது. பதக்க வய்ப்பு இல்லை.
கே.சி. கணபதி மற்றும் வருண் தக்கர் அவர் ஆண்கள் ஸ்கிஃப் 49 ரேஸ் 4, இந்திய ஜோடி அணிகளில் முன்னேறுவது கடினம். இருப்பினும், இது ஒலிம்பிக்கில் அவர்களின் அறிமுகம் மட்டுமே, மேலும் 8 போட்டிகளை நடக்கவுள்ளது.
பிற்பகலில் குத்துச்சண்ண்டியில் பூஜா ராணி தனது 16 வது சுற்று ஆட்டத்தில் வென்றார். அடுத்தது காலிறுதிப் போட்டி. அதிலும் வெற்றி பெற்றால் பதக்க வாய்ப்பு உள்ளது.
தீபிகா குமாரி வில்வித்தைப் போட்டியில் தனது முதல் சுற்றை நேர் செட்களில் வென்றார். தனது 32 வீரர்கள் ஆடுகின்ற சுற்றில் அமெரிக்காவிற்கு எதிராக, ஐந்தாவது செட்டு வரை சென்று வெற்றி பெற்றிருக்கிறார். அடுத்த ஆட்டம் காலிறுதிக்கு முந்தைய ஆட்டமாகும்.
டோக்கியோ ஒலிம்பிக்கில் சாய் பிரனீத்தின் தோல்வி அனைத்து இந்திய பேட்மிண்டன் ரசிகர்களுக்கும் அதிர்ச்சியை ஏற்படுத்தியது, உலகத் தரவரிசையில் 47ஆவது இடத்தில் உள்ள இஸ்ரேலின் மிஷா ஜில்பெர்மன் 21-17, 21-15 என்ற புள்ளிக் கணக்கில் சாய் ப்ரணீத்தை தோற்கடித்தார்.
இந்தியாவின் அனுபவம் வாய்ந்த பாட்மிண்டன் வீரரான சாய் ப்ரணீத் குறைந்தபட்சம் குழு கட்டத்தை கடந்து செல்வார் என்று எதிர்பார்க்கப்பட்டது, ஏனெனில் அவரது எதிரிகள் அவருக்கு எளிதான வெற்றிகள் தருவர் என்று கருதப்பட்டது. ஆனால் உலகத் தரவரிசையில் 15ஆவது இடத்தில் உள்ள பிரணீத் இதுவரை இஸ்ரேல் வீரரை மூன்று முறை வென்றிருந்தும் இன்று தோல்வியடைந்து பதக்க வாய்ப்பை இழந்தார்.
Posts by Dhinasari Reporter:
- Review of Ramayana movie; Dushyanth Sridhar answering some of the questions raised!
- தென்காசி: டிஜிட்டல் கைது என பயமுறுத்தி ரூ.70 லட்சம் மோசடி; இருவர் கைது!
- அரசியலமைப்பு சட்டத்துக்கு முரணாக செயல்படும் தவெக., அரசு: இந்து முன்னணி கண்டனம்!
- சிதம்பரம் நடராஜர் கோயில் விவகாரங்களைக் கண்காணிக்க நீதிமன்றம் குழு அமைப்பு!
- ஸ்ரீரங்கம் கோயில் ஜீயர் நியமனத்தில் அறநிலையத் துறைக்கு அதிகாரம் இல்லை!
