குறுகிய கால வங்கிக் கடனுக்கான வட்டி விகிதத்தில் மாற்றம் இல்லை: ரகுராம் ராஜன்

மும்பை: குறுகிய கால கடனுக்கான வட்டி விகிதத்தில் மாற்றம் இல்லை என்று ரிசர்வ் வங்கி அறிவித்துள்ளது. மும்பையில் ரிசர்வ் வங்கியின் நிதிக் கொள்கை மீதான மறு ஆய்வுக் கூட்டம் நடைபெற்றது. ரிசர்வ் வங்கி ஆளுநர் ரகுராம் ராஜன் தலைமையில் நடைபெற்ற இந்தக் கூட்டத்தில் பண வீக்க நிலவரம், அன்னியச் செலாவணிக் கையிருப்பு குறித்து ஆய்வு மேற்கொள்ளப்பட்டது. பின்னர் செய்தியாளர்களிடம் பேசிய ரகுராம் ராஜன், 2015-16ம் நிதியாண்டில் வளர்ச்சி விகிதம் 7.8% எட்டும்; இந்தியாவின் வடக்கு, மேற்குப் பக்கங்களில் மழை மற்றும் பனிப்பொழிவு காரணமாக உணவுப் பொருட்கள் விலையேற்றம் கண்டுள்ளன. எனினும் ரெப்கோ விகிதத்தில் மாற்றம் இருக்காது. அதுபோல், குறுகிய கால வங்கிகளின் கடன்களுக்கான வட்டி விகிதம் 7.5 சதவீதமாகவே இருக்கும் ரொக்கக் கையிருப்பு விகிதத்தில் மாற்றம் இல்லை. அது 4 சதவீதமாகவே இருக்கும் என்றார்.