“எலந்தபழம்” பாடல் புகழ் பிரபல தெலுங்கு நடிகை விஜயநிர்மலா காலமானார்.
அதிக படங்களை இயக்கி கின்னஸ் சாதனை புத்தகத்தில் இடம் பிடித்த மூத்த தெலுங்கு நடிகை விஜயநிர்மலா ஐதராபாத்தில் காலமானார். அவருக்கு வயது 73.
தமிழ் தெலுங்கு, மலையாளம் உள்ளிட்ட மொழிகளில் சுமார் 200க்கும் மேற்பட்ட படங்களில் நடித்தவர் விஜயநிர்மலா. இவர், தமிழில் “பணமா பாசமா” படத்தில் ‘எலந்தப்பழம்’ பாடல் மூலம் பிரபலமானவர்.
எம்.ஜி.ஆரின் “என் அண்ணன்” படத்தில் முத்துராமனுக்கு ஜோடியாக நடித்து பெயர் பெற்றார். 44 படங்களை இயக்கியுள்ளார் விஜயநிர்மலா! இதன் மூலம் அதிக படங்களை இயக்கிய பெண் இயக்குனராக கின்னஸ் சாதனை புத்தகத்தில் இடம் பெற்றுள்ளார்.
தெலுங்கில் பிரபலமாக இருந்த நடிகர் கிருஷ்ணாவை 2-வதாக மணந்து கொண்டார். இவரது முதல் கணவர் மூலம் பிறந்த மகன் நரேஷூம் தெலுங்கு திரையுலகில் முன்னணி நடிகராக உள்ளார்.
உடல் நலம் பாதிக்கப்பட்ட நிலையில் நேற்று இரவு ஐதராபாத் காண்டினென்டல் மருத்துவமனையில் அனுமதிக்கப்பட்டிருந்த விஜய நிர்மலா மாரடைப்பால் காலமானதாக மருத்துவர்கள் தெரிவித்தனர். அவரது மறைவுக்கு தெலுங்கு தமிழ் திரை உலகினர் இரங்கல் தெரிவித்து வருகின்றனர்.