மதுரை கொம்பன் படம் வெளியாவதில் தடை இல்லை என்று சென்னை உயர்நீதிமன்ற மதுரைக் கிளை உத்தரவிட்டது. கார்த்தி, லட்சுமி மேனன் நடித்து வெளியாக உள்ள கொம்பன் திரைப்படம் ஏப்ரம் 2 ஆம் தேதி (நாளை) வெளியாவதாக அறிவிக்கப்பட்டிருந்தது. இந்நிலையில் இப்படத்தில் சாதிமோதலைத் தூண்டும் விதத்தில், சர்ச்சையான வசனங்கள், காட்சிகள் இருப்பதாகவும், எனவே படத்தை வெளியிட தடை விதிக்க வேண்டும் என்று கோரியும் உயர் நீதிமன்ற மதுரை கிளையில் மனு தாக்கல் செய்யப்பட்டது. இந்த மனு மீதான தீர்ப்பு இன்று வழங்கப்பட்டது. அந்தத் தீர்ப்பில், கொம்பன் படத்துக்கு தடை இல்லை என்று கூறி, நீதிபதி மனுவைத் தள்ளுபடி செய்து உத்தரவிட்டார்.
கொம்பன் வெளியாகத் தடை இல்லை: உயர் நீதிமன்ற மதுரை கிளை உத்தரவு
