நடிகர் விஜய்யின் ஒவ்வொரு படம் ரிலீஸாகும் போதும் அவரது பிறந்த நாளின் போதும், ”அடுத்த ஆட்சி நமது ஆட்சிதான்” என்று சொல்லி அவரது ரசிகர்கள் போஸ்டர் ஒட்டுவது வழக்கம்.
மக்கள் திலகம் எம்ஜிஆர் போல் சித்தரித்து போஸ்டர் ஒட்டுவதும், , அரசியல் தலைவர்கள் சுதந்திர போராட்ட வீரர்கள் போல சித்தரித்து போஸ்டர் ஒட்டுவதும் ரசிகர்களின் வாடிக்கையாக இருந்தது. இதனால் தொடர்ந்து கடும் விமர்சனங்கள் எழுந்து வந்தன.
இதை அடுத்து சுதந்திர போராட்ட வீரர்கள், அரசியல் தலைவர்கள் போல எனது படத்தை சித்தரித்து வெளியிட வேண்டாம் என்று தனது ரசிகர்களுக்கு விஜய் கோரிக்கை வைத்திருந்தார்.
இந்த நிலையில், நடிகர் அஜித் ரசிகர்கள் சுதந்திர போராட்ட வீரர் பகத் சிங்கை போல அஜித்தை சித்தரித்து போஸ்டர் ஒட்டியுள்ளனர்.
அஜித் நடித்த வலிமை படம் பொங்கலுக்கு திரைக்கு வருகிறது . இதை முன்னிட்டு அஜித் ரசிகர்கள் மதுரை எங்கும் போஸ்டர்கள் ஒட்டியுள்ளனர்.
அடங்காத அஜித் குருப்ஸ்’ என்ற பெயரில் ரசிகர்கள் இந்த போஸ்டரை மதுரை முழுவதும் ஒட்டியுள்ளனர். வருடங்கள் கடந்தாலும் வலிமையும் வரலாறும் அழியாது என்ற வாசகங்களோடு இந்த போஸ்டரை ஒட்டி உள்ளனர்.
பகத்சிங் போல சித்தரித்து ஒட்டப்பட்ட இந்த போஸ்டர் மதுரை எங்கும் பரபரப்பை ஏற்படுத்தி இருக்கிறது.
அதேநேரம் சமூக வலைத்தளங்களில் இந்த போஸ்டர் வைரலாகி சலசலப்பையும் ஏற்படுத்தி இருக்கிறது.
