தமிழகத்தில் தற்போது ஏற்பட்டிருப்பது அரசியல் தலைவர்களின் துர்நாற்றம்

 
 
அரசியல் என்பது ஒரு சேவை என்பதை மறந்து அதை பணம் சம்பாதிக்கும் ஆயுதமாக பயன்படுத்தியதின் விளைவாக ஏற்பட்ட துயரநிகழ்வுதான் இது!!
 
நம் நாடு, நம் மக்கள், நம் இனம்-இன்று உண்ண உணவின்றி, உடுத்த உடையின்றி, இருக்க இடமின்றி தவிப்பதை அறிவோம்!!
 
இன்று நாமும் அங்கு இருந்திருந்தால் நம் நிலமை என்ன? நம் ஏக்கம் என்ன ?
நமக்கும் யாரேனும் உதவிட மாட்டார்களா? என்ற எதிர்பார்ப்பு கண்களில் குருதி புரண்டோடச் செய்திருக்கும் என்பதை உணர்கிறேன்!!
 
நாம் உழைத்து பெறும் பணத்தின் மதிப்பு என்னவென்று தெரிந்துகொள்ள முயற்சிப்போம்!!
நம் மக்களின் கரம் பிடித்து கரைசேர்க்க முன்வருவோம்!!
 
நாம் வீணென்று நினைத்து தூக்கி எறியும் பழைய செய்தித்தாள்கூட அவர்களுக்கு படுக்கையாய் பயன்படும் என்பதை இன்று நாம் அறிவோம்!!
 
நம்மால் முடிந்ததை பணமாகவோ, பண்டமாகவோ நாம் அறிந்தவர்கள் மூலமாக கொண்டுசேர்க்க முயற்சிப்போம்!! நம் உறவுகளின் உயிர் காப்போம்!!
 
தமிழகத்தில் தற்போது ஏற்பட்டிருப்பது இயற்கைச் சீற்றம் அல்ல!!
நம் அரசியல் தலைவர்களின் துர்நாற்றம்!!
 
என்பதை மக்களுக்கு புரியவைத்து அரசியலில் விழிப்புணர்வை அனைவரும் ஏற்படுத்துவோம்!!
 
வருங்காலங்களில் இலவசத்திற்கும் பணத்திற்கும் பலியாகாமல் இருக்க இந்த நிகழ்வு நமக்கெல்லாம் ஓர் நல்ல பாடமாக அமையுமென நம்புகிறேன்!!
 
நல்ல பாரதம் அமைத்திட, உயர்த்திட இன்றைய சூழலில் படிப்பு எவ்வாறு இன்றியமையாததோ, அதுபோல அரசியல் விழிப்புணர்வும் அவசியமானது!!
 
நமது உரிமைகளை நாம் கேட்டால் மட்டுமே பெறமுடியும் என்பதையும் அறிந்துகொள்வோம்!!
 
அரசியல் நமது உரிமை!! அது சாக்கடையல்ல!!
உதவிடு!! உயர்த்திடு!!
 
– வசந்த் குமார் –
தினசரி இணைய தமிழ்ச் செய்தித் தள வாசகர்
Donate to Dhinasari News! Independent journalism that speaks truth to power and is free of corporate and political control is possible only when people start contributing towards the same. Please consider donating towards this endeavour to fight fake news and misinformation.