சென்னை:
அதிமுக.,வின் அடிப்படை உறுப்பினர் பொறுப்பில் இருந்தும் முன்னாள் டிஜிபி நட்ராஜ் நீக்கப்பட்டுள்ளார். இது குறித்து அதிமுக., பொதுச் செயலர் ஜெயலலிதா விடுத்த அறிக்கை:
கழகத்தின் கொள்கை குறிக்கோள்களுக்கும் கோட்பாடுகளுக்கும் முரணான வகையில் செயல்பட்டதாலும், கழகத்தின் கண்ணியத்துக்கு மாசு ஏற்படும் வகையில் நடந்து கொண்டதாலும், கழகக் கட்டுப்பாட்டை மீறி கழகத்திற்கு களங்கமும் அவப் பெயரும் உண்டாகும் விதத்தில் செயல்பட்ட காரணத்தினாலும், தென்சென்னை தெற்கு மாவட்டத்தைச் சேர்ந்த திரு.ஆர்.நட்ராஜ் (முன்னாள் காவல்துறை இயக்குனர்) இன்று முதல் கழகத்தின் அடிப்படை உறுப்பினர் பொறுப்பு உள்பட அனைத்துப் பொறுப்புகளில் இருந்தும் நீக்கி வைக்கப்படுகிறார்.
கழக உடன்பிறப்புகள் யாரும் இவருடன் எவ்விதத் தொடர்பும் வைத்துக் கொள்ளக் கூடாது எனக் கேட்டுக் கொள்கிறேன் என்று தெரிவித்துள்ளார்.
