ஒரே மேடையில் நடத்தி வைக்கும் 4 அமைச்சர்கள் உள்பட 14 அ.தி.மு.க. நிர்வாகிகள் இல்ல திருமணங்களை சென்னையில் வருகிற 10-01-2016 அன்று முதலமைச்சர் ஜெயலலிதா நடத்தி வைக்கிறார்.
இது தொடர்பாக, அ.தி.மு.க. தலைமைக் கழகம் சார்பில் நேற்று வெளியிடப்பட்ட செய்திக்குறிப்பில் தெரிவித்துள்ளதாவது :-
அ.தி.மு.க. பொதுச் செயலாளரும், முதல்-அமைச்சருமான ஜெயலலிதா, வருகின்ற 10-2-2016 புதன்கிழமை காலை 11 மணி அளவில், சென்னை, ராயப்பேட்டை ஒய்.எம்.சி.ஏ. மைதானத்தில், பின்வரும் அ.தி.மு.க. நிர்வாகிகள் 14 பேர்களின் இல்ல திருமணங்களை தலைமையேற்று நடத்தி வைக்க உள்ளார்.
அதன் விவரங்களாவது :-
1) அ.தி.மு.க. ஒழுங்கு நடவடிக்கைக் குழு உறுப்பினரும், தஞ்சாவூர் தெற்கு மாவட்ட செயலாளரும், வீட்டு வசதி, நகர்ப்புற வளர்ச்சி மற்றும் வேளாண்மைத் துறை அமைச்சருமான ஆர்.வைத்திலிங்கத்தின் மகள் திருமணம்.
2) திருவாரூர் மாவட்ட செயலாளரும், உணவு, இந்து சமயம் மற்றும் அறநிலையத் துறை அமைச்சருமான ஆர்.காமராஜின் மகன் திருமணம்.
3) தூத்துக்குடி மாவட்ட செயலாளரும், சுற்றுலாத்துறை அமைச்சருமான எஸ்.பி.சண்முகநாதனின் மகள் திருமணம்.
4) திருவண்ணாமலை வடக்கு மாவட்ட செயலாளரும், தகவல் தொழில்நுட்பத் துறை அமைச்சருமான முக்கூர் என்.சுப்பிரமணியனின் மகன் திருமணம்.
5) அ.தி.மு.க. விவசாயப் பிரிவுச் செயலாளரும், திருமயம் தொகுதி சட்டமன்ற உறுப்பினருமான பி.கே.வைரமுத்துவின் மகள் திருமணம்.
6) கிருஷ்ணகிரி மாவட்டம், கிருஷ்ணகிரி தொகுதி சட்டமன்ற உறுப்பினர் கே.பி.முனுசாமியின் மகன் திருமணம்.
7) நீலகிரி மாவட்ட ஜெயலலிதா பேரவைச் செயலாளரும், உதகமண்டலம் தொகுதி சட்டமன்ற உறுப்பினருமான புத்திசந்திரனின் மகள் திருமணம்.
8) திருவண்ணாமலை தெற்கு மாவட்ட செயலாளர் பெருமாள் நகர் மு.ராஜனின் மகள் திருமணம்.
9) காஞ்சீபுரம் மத்திய மாவட்ட அவைத் தலைவரும், ஸ்ரீபெரும்புதூர் தொகுதி பாராளுமன்ற உறுப்பினருமான கே.என்.ராமச்சந்திரனின் மகன் திருமணம்.
10) வேலூர் மேற்கு மாவட்டம், ஆலங்காயம் ஒன்றிய செயலாளரும், வாணியம்பாடி தொகுதி சட்டமன்ற உறுப்பினருமான கோவி.சம்பத்குமாரின் மகன் திருமணம்.
11) திருவண்ணாமலை வடக்கு மாவட்டம், அனக்காவூர் ஒன்றிய செயலாளரும், வந்தவாசி தொகுதி சட்டமன்ற உறுப்பினருமான செய்யாவூர் வே.குணசீலனின் மகன் திருமணம்.
12) மதுரை புறநகர் மாவட்டம், சோழவந்தான் தொகுதி சட்டமன்ற உறுப்பினர் எம்.வி.கருப்பையாவின் மகள் திருமணம்.
13) வேலூர் கிழக்கு மாவட்டம், வாலாஜா ஒன்றிய இளைஞர் பாசறை, இளம் பெண்கள் பாசறை செயலாளரும், திருப்பாற்கடல் ஊராட்சி மன்றத் தலைவருமான எம்.ஜி.கே.தனஞ்செழியனின் திருமணம்.
13) திண்டுக்கல் மாவட்டத்தைச் சேர்ந்த தங்கவேலின் மகள் திருமணம்.
என அந்த அ.தி.மு.க. தலைமைக் கழகம் சார்பில்வெளியிட்ட செய்திக்குறிப்பில் தெரிவித்து செய்திக்குறிப்பில் தெரிவிக்கப்பட்டுள்ளது.
