மேற்கு வங்க முதலமைச்சராக திரிணாமுல் காங்கிரஸ் தலைவர் மம்தா பானர்ஜி இன்று பதவியேற்கிறார். இதற்காக பிரம்மாண்ட ஏற்பாடுகள் செய்யப்பட்டுள்ளன.

மேற்குவங்க சட்டமன்ற தேர்தலில் மம்தா பானர்ஜி தலைமையிலான திரிணாமுல் காங்கிரஸ் கட்சி 211 இடங்களை கைப்பற்றி அருதிப் பெரும்பன்மை பெற்றது. இதனை தொடர்ந்து மேற்கு வங்கத்தின் முதலமைச்சராக இரண்டாவது முறையாக மம்தாபானர்ஜி இன்று பதவியேற்கவுள்ளார். இதற்காக 41 அமைச்சர்கள் அடங்கிய பட்டியலை நேற்று அவர் ஆளுநரிடம் அளித்தார்.

பதவியேற்பு விழாவிற்காக கொல்கத்தாவில் உள்ள சிவப்பு சாலையில் பிரம்மாண்ட ஏற்பாடுகள் செய்யப்பட்டுள்ளன. நிகழ்ச்சியில் டெல்லி முதல்வர் அரவிந்த் கெஜ்ரிவால், உத்திரப்பிரதேச முதலமைச்சர் அகிலேஷ் யாதவ் ஆகியோர் பங்கேற்கவுள்ளனர். எனினும் இந்த பதவியேற்புவிழாவை முக்கிய எதிர்கட்சியான காங்கிரஸ், பாஜக மற்றும் கம்யூனிஸ்ட்டுகள் புறக்கணிக்கவுள்ளதாக தகவல்கள் தெரிவிக்கின்றன.

[wp_ad_camp_1]