கீன்வா இட்லி
தேவையான பொருட்கள்
கீன்வா (Quinoa) – 3 கப்
இட்லி அரிசி – ஒரு கப்
உளுந்து – ஒன்றரை கப்
உப்பு – தேவையான அளவு
செய்முறை
தேவையான அனைத்தையும் தயாராக எடுத்துக் கொள்ளவும்.
கீன்வா மற்றும் இட்லி அரிசியைத் தனித்தனியாக 4 மணி நேரம் ஊற வைக்கவும். உளுந்தை 2 மணி நேரம் ஊற வைக்கவும்.
ஊறியதும் உளுந்தைத் தனியாக அரைத்துக் கொள்ளவும். கீன்வா மற்றும் அரிசியை ஒன்றாகச் சேர்த்து அரைத்தெடுத்து, அத்துடன் உளுந்து மாவு மற்றும் உப்பு சேர்த்து கலந்து 8 மணி நேரம் வரை புளிக்கவிடவும்.
புளித்த மாவை கரண்டியால் நன்கு கலந்துவிட்டு, இட்லித் தட்டில் இட்லிகளாக ஊற்றி 15 நிமிடங்கள் வேக வைத்தெடுக்கவும்.
சுவையான, சத்தான கீன்வா இட்லி தயார்.
கீன்வா (Quinoa) என்பது ஒரு வகை நார்ச்சத்து மிக்க தானியம். கலோரியும் மிகக் குறைவு. சர்க்கரை நோயாளிகள் கீன்வாவை உண்பது நல்லது. கீன்வாவுடன் இட்லி அரிசி சேர்க்காமலும் அரைக்கலாம்.