நெய் ரைஸ்
தேவையான பொருட்கள்
நெய் – விருப்பமான அளவு (கொஞ்சம் அதிகமாவே தேவை )
பாஸ்மதி ரைஸ் – ஒரு டம்ளர் (15 நிமிடம் ஊற வைக்கவும்.)
பால் – 2 டம்ளர் (ஆவின் பால்)
பச்சை பட்டாணி – 100 கிராம்
மீல்மேக்கர் -100 கிராம்
பொடியாக நறுக்கிய பூண்டு -3 பல்
பொடியாக நறுக்கிய இஞ்சி – கொஞ்சம்
வெங்காயம் – 1
பச்சை மிளகாய் – 1
பச்சை கொத்தமல்லி – கொஞ்சம்
உப்பு – தேவையான அளவு
தாளிக்க:
பட்டை – 2
கிராம்பு – 2
பிரிஞ்சி இலை – 1
ஏலக்காய் – 1
செய்முறை
வெங்காயத்தை நீளவாக்கில் நறுக்கிக் கொள்ளவும். பச்சை மிளகாயை கீறி வைக்கவும்.
குக்கரில் நெய் விட்டு தாளிக்க கொடுத்தவற்றை தாளித்து இஞ்சி, பூண்டு பச்சை மிளகாய், பச்சை கொத்தமல்லி, வெங்காயம் சேர்த்து வதக்கவும்.
வெங்காயம் நன்கு வதங்கியதும் 2 டம்ளர் பாலை சேர்க்கவும். பின் பட்டாணி, மீல் மேக்கர் மற்றும் உப்பு சேர்க்கவும்.
அடுத்து பாஸ்மதி அரிசி சேர்த்து நன்றாக கிளறவும். நெய் கொஞ்சம் சேர்த்து குக்கரை மூடி இரண்டு விசில் வந்ததும் நிறுத்தவும். சூடான சுவையான நெய் சோறு தயார்.
