இன்றைய காலக்கட்டத்தில் அனைவருமே செல்போன் பயன்படுத்துகின்றனர்.
செல்போன் என்பது நமது வாழ்க்கையின் தவிர்க்க முடியாத ஒரு அத்தியாவசிய பொருளாக மாறிவிட்டது
இந்தியாவில் மொபைல் எண்கள் 10 இலக்கங்களை கொண்டவை என்பது நம் அனைவருக்குமே தெரிந்திருக்கும். ஆனால் மொபைல் எண்கள் ஏன் 10 இலக்கங்களை கொண்டுள்ளன ?
அது ஏன் 11 அல்லது 13 இலக்கங்களில் இருக்கக்கூடாது? இந்தியாவில் 10 இலக்க மொபைல் எண்ணாக இருப்பதற்கான காரணம் குறித்து தற்போது பார்க்கலாம்..
2003 ஆம் ஆண்டு வரை, இந்தியாவில் 9 இலக்க மொபைல் எண்கள் இருந்தன. ஆனால் இப்போது இந்த எண் 10 ஆக மாறியுள்ளது. இதனால் இந்தியா, மொபைல் எண்கள் 10 இலக்கங்கள் கொண்ட நாடாக உள்ளது.
‘தேசிய எண்ணிடல் திட்டத்தின் அடிப்படையில் தான் மொபைல் எண் உருவாக்கப்படுகிறது.. மொபைல் எண் ஒற்றை இலக்கத்தில் இருந்தால், 0 முதல் 9 வரை 10 வெவ்வேறு எண்களை மட்டுமே உருவாக்க முடியும்..
அதன் பிறகு மொத்தம் 10 எண்கள் மட்டுமே உருவாக்கப்படும்.. இதனால் 10 பேர் மட்டுமே அவற்றை பயன்படுத்த முடியும். மறுபுறம், 2 இலக்க மொபைல் எண் இருந்தாலும், 0 முதல் 99 வரை 100 எண்களை மட்டுமே உருவாக்க முடியும், மேலும் 100 பேர் மட்டுமே பயன்படுத்த முடியும்.
எனவே நாட்டில் 10 இலக்க மொபைல் எண் இருப்பதற்கு மக்கள் தொகையும் ஒரு காரணம். நாட்டின் மக்கள் தொகை சுமார் 130 கோடி, இப்படிப்பட்ட சூழ்நிலையில் 1 அல்லது 2 இலக்கங்கள் கொண்ட மொபைல் எண் ஒரு சிலருக்கு மட்டுமே கிடைக்கும். 9 இலக்க மொபைல் எண் இருந்தால், ஒரு வரம்பு வரை மட்டுமே எண்களை உருவாக்க முடியும்.
அதேசமயம், 10 இலக்கங்கள் கொண்ட சுமார் 1000 கோடி வெவ்வேறு மொபைல் எண்களை உருவாக்க முடியும். அதன் பிறகு 130 கோடி மக்களுக்கு வெவ்வேறு எண்களை விநியோகிப்பது எளிதாக இருக்கும். இந்தியாவில் 10 இலக்க மொபைல் எண் இருப்பதற்கு இதுவே காரணம்.
இருப்பினும், எல்லா சாதாரண விஷயங்களைப் போலவே, 10 இலக்க மொபைல் எண்ணுக்கு விதிவிலக்குகள் உள்ளன.. சீனாவில் அதன் நாட்டுக் குறியீட்டைத் தவிர்த்து (+86) 11 இலக்க தொலைபேசி எண் உள்ளது..
மேலும் அமெரிக்கா ஏற்கனவே தனக்கென ‘+1’ என்ற நாட்டுக் குறியீட்டை ஒதுக்கியிருந்தாலும், எல்லா எண்களும் சீனாவில் 1 இல் தொடங்குகின்றன. இதே போல் இங்கிலாந்திலும் 11 இலக்க எண்கள் பயன்படுத்தப்படுகின்றன என்பது குறிப்பிடத்தக்கது..
