சேலம் மாவட்டம் சங்ககிரி அருகே இன்று அதிகாலை நிகழ்ந்த சாலை விபத்தில் 4 பேர் பலி ஆயினர்.
கிருஷ்ணகிரி மாவட்டத்திலிருந்து கோவைக்கு ஒரு மினி டெம்போவில் சாத்துக்குடி பழம் ஏற்றிக் கொண்டு சேலம் சங்ககிரி குப்பனூர் தேசிய நெடுஞ்சாலையில் டெம்போ சென்ற போது, முன்புறம் சென்ற அடையாளம் தெரியாத வாகனத்தில் மோதி விபத்துக்கு உள்ளானது.
இதில், கிருஷ்ணகிரியைச் சேர்ந்த மாதேஸ் சின்னதம்பி முருகன் காவேரி ஆகிய நான்கு பேரும் சம்பவ இடத்திலேயே பலியாயினர்.
இந்த விபத்து குறித்து சங்ககிரி போலிசார் வழக்குப் பதிவு செய்து, உயிரிழந்தவர்களின் உடல்களை சேலம் அரசு மருத்துவமனைக்கு அனுப்பி வைத்தனர். மேலும் அடையாளம் தெரியாத வாகனம் குறித்து தீவிரமாக விசாரணை மேற்கொண்டு வருகின்றனர் . இன்று அதிகாலை நிகழ்ந்த சாலை விபத்து, சங்ககிரியில் பெரும் சோகத்தை ஏற்படுத்தியுள்ளது.
