சென்னை:
விழுப்புரம் அருகே சித்த மருத்துவ மாணவிகள் மூன்று பேர் தற்கொலை செய்துகொண்ட விவகாரத்தில், விசாரணை நடத்த வேண்டும் என்று பாமக நிறுவுனர் ராமதாஸ் வேண்டுகோள் விடுத்துள்ளார்.
இதுகுறித்து  அவர் வெளியிட்ட அறிக்கை:

விழுப்புரம் மாவட்டம் பங்காரம் கிராமத்திலுள்ள எஸ்.வி.எஸ். சித்த மருத்துவக் கல்லூரியில் படித்து வந்த 3 மாணவிகள் நேற்று மாலை அருகிலுள்ள கிணற்றில் ஒன்றாக குதித்து தற்கொலை செய்து கொண்டிருக்கின்றனர். இது பெரும் அதிர்ச்சியும், வேதனையும், துயரமும் அளிக்கிறது. அந்த   மாணவிகளின் குடும்பங்களுக்கு ஆழ்ந்த இரங்கலையும், அனுதாபத்தையும் தெரிவித்துக்கொள்கிறேன்.

அதேநேரத்தில் மூன்று மாணவிகள் ஒன்றாக தற்கொலை செய்துகொண்டதன் பின்னணி என்ன? என்பதை ஆராய வேண்டும். எஸ்.வி.எஸ். சித்த மருத்துவக் கல்லூரியில் நடக்கும் கட்டணக் கொள்ளை மற்றும் அடிப்படை கட்டமைப்பு வசதியின்மையை எதிர்த்து அங்கு பயிலும் மாணவர்கள் தொடர்ந்து போராட்டம் நடத்தி வந்துள்ளனர். இது குறித்து விழுப்புரம் மாவட்ட ஆட்சியரிடம் புகார் மனு அளித்தும் நடவடிக்கை எடுக்கப்படாத நிலையில், சில மாணவர்கள் தீக்குளிக்க முயன்றுள்ளனர். இதையடுத்து மாவட்ட நிர்வாகம் சார்பில் விசாரணை நடத்தப்பட்டது. அதில் சித்த மருத்துவக் கல்லூரியில் அடிப்படை வசதிகள் கூட இல்லை என்று தெரியவந்தது. இதையடுத்து அந்த அறிக்கையை மேல்நடவடிக்கைக்காக  தமிழக அரசுக்கும், எம்.ஜி.ஆர். மருத்துவப்பல்கலைக்கழகத்திற்கும் மாவட்ட நிர்வாகம் அனுப்பிவைத்தது. ஆனால், அதன்மீது இன்று வரை எந்த நடவடிக்கையையும் தமிழக சுகாதாரத்துறை எடுக்கவில்லை.

அதுமட்டுமின்றி, சித்த மருத்துவக் கல்லூரியில் படித்த மாணவ, மாணவிகளை கல்லூரி நிர்வாகி  வாசுகியும், அவரது மகன் சுதாகரும் அடிமைகளைப் போல நடத்தியுள்ளனர். கல்லூரி வளாகத்திலுள்ள  முள் மரங்களை வெட்டுவது, கழிப்பறைகளை சுத்தப்படுத்துவது போன்ற வேலைகளை செய்யும்படி கட்டாயப்படுத்தப்பட்டுள்ளனர். எதிர்த்து கேள்விக் கேட்பவர்கள் கல்லூரி நிர்வாகியின் சமுதாயத்தைச் சேர்ந்த அடியாட்களால் மிரட்டப்பட்டிருக்கின்றனர். பாலியல் சீண்டல்களும் இருந்ததாக ஊடகங்களில்  செய்திகள் வெளியாகியுள்ளன. இதையெல்லாம் தாங்கிக்கொள்ள முடியாத மாணவிகள்,‘‘கட்டிய பணம் கூட தேவையில்லை… சான்றிதழ்களை கொடுங்கள். நாங்கள் வேறு கல்லூரியில் சேர்ந்து கொள்கிறோம்’’ என்று கெஞ்சிய போதும் அதை கல்லூரி நிர்வாகம் பொருட்படுத்தாததால் மாணவிகள் இந்த முடிவுக்கு வந்திருக்கலாம் என்றும் கூறப்படுகிறது. இப்புகார்கள் எதையும் புறக்கணிக்க முடியாது.

எஸ்.வி.எஸ். சித்த மருத்துவக் கல்லூரி மீதான விசாரணை அறிக்கையின் அடிப்படையில் தமிழக அரசும் மருத்துவப்பல்கலைக்கழகமும் உரிய காலத்தில் நடவடிக்கை எடுத்திருந்தால் இந்த நிலைமை ஏற்பட்டிருக்காது. ஆனால், கல்லூரி நிர்வாகியின் சமுதாயத்தைச் சேர்ந்த ஓர் அரசியல் கட்சி பிரமுகர் மூலம் அதே சமுதாயத்தைச் சேர்ந்த எம்.ஜி.ஆர். மருத்துவப் பல்கலைக்கழகத்தின் பெண் உயரதிகாரிக்கு பெரும் தொகை தரப்பட்டு சித்த மருத்துவக் கல்லூரி மீது எந்த நடவடிக்கையும் எடுக்காமல் தடுக்கப் பட்டிருக்கிறது. இதற்கு தமிழக சுகாதாரத்துறை அமைச்சரும் உடந்தையாக இருந்ததாக கூறப்படுகிறது.

சித்த மருத்துவக் கல்லூரி மீது ஏராளமான புகார்கள் எழுந்த நிலையில், அதன்மீதும், அதுகுறித்து மாவட்ட நிர்வாகம் அனுப்பிய விசாரணை அறிக்கை மீதும் நடவடிக்கை எடுக்கத் தவறிய தமிழக அரசு தான் சரண்யா, பிரியங்கா, மோனிஷா ஆகிய 3 மாணவிகளின் உயிரிழப்புக்கு பொறுப்பேற்க வேண்டும். மாணவிகளின் தற்கொலை குறித்து விசாரணை நடத்தி அதற்கு காரணமான அனைவர் மீது நடவடிக்கை எடுக்க வேண்டும். உயிரிழந்த மாணவிகளின் குடும்பங்களுக்கு தலா ரூ.25 லட்சம் இழப்பீடு வழங்க வேண்டும். சித்த மருத்துவக் கல்லூரியை மூடி முத்திரையிட்டு அதில் படித்து வரும் அனைத்து மாணவ, மாணவியருக்கும் அரசு சித்தமருத்துவக் கல்லூரியில் இடம் வழங்க வேண்டும்.

காங்கிரஸ் கட்சியின் தமிழக சட்டமன்ற உறுப்பினர் விஜயதாரணி தமிழக மகளிர் காங்கிரஸ் தலைவர் பதவியில் இருந்து நீக்கம் செய்பட்டார்.மேலும் அந்த பதவிக்கு எம்.ஜான்ஸிராணி நியமிக்க பட்டுள்ளதாகவும் அகில இந்திய காங்கிரஸ் கமிட்டியின் கட்சியின் பொதுச் செயலாளர்களில் ஒருவரான ஜனார்த்தன் துவிவேதி அதிரடியாக அறிவித்துள்ளார்.

அதிரடியாக நீக்கம் தொடர்பாக விஜயதாரணி செய்தியாளர்களிடம் கூறுகையில், சோனியாவும், ராகுலும் எனக்கு பதவி வழங்கினார்கள். ராகுலுக்கு நெருக்கடி கொடுத்து என் மீது நடவடிக்கை எடுக்க வைத்து இருக்கிறார்கள். தவறு செய்த இளங்கோவனை விட்டு விட்டு என் மீது நடவடிக்கை எடுத்து இருப்பது பற்றி சோனியா, ராகுலை நேரில் சந்தித்து முறையிடுவேன் என்றார்.

விஜயதாரணி மேலும் கூறுகையில் எனக்கு கிடைத்திருப்பது நீதியல்ல, அநீதி. மேற்கு வங்காளத்தில் மம்தா பானர்ஜியைப் போல் தமிழ்நாட்டில் விஜயதாரணியாக நான் செயல்பட்டேன். அதை இளங்கோவனால் பொறுத்துக் கொள்ள முடியவில்லை என்று பகிரங்கமாக குற்றம் சாட்டினார்.விஜயதாரணி சட்டமன்றதிலும், வெளியிலும் ஆவேசமாக கருத்துக்களை வெளியிட்டு பரபரப்பு ஏற்படுத்தி வந்தவர். தொலைக்காட்சி விவாதங்களிலும் காங்கிரஸ் சார்பில் பங்கேற்று காரசாரமாக பேசி வந்தார்.

விஜயதாரணிக்கு தொடக்கத்தில் ஈ.வி.கே.எஸ். இளங்கோவனின் ஆதரவாளராக இருந்தார். இந்த நிலையில் தி.மு.க.வில் இருந்து விலகிய குஷ்பு காங்கிரஸ் கட்சியில் சேர்ந்தவுன் அவருக்கு அகில இந்திய காங்கிரஸ் செய்தி தொடர்பாளர் பதவியை . இளங்கோவன் சிபாரிசு செய்து குஷ்புவுக்கு பதவியை வாங்கி தந்ததாக கூறப்பட்டது.இதனால் ஆத்திரம் அடைந்த விஜயதாரணி கட்சியில் உழைப்பவர்களுக்கு பதவி தரவேண்டும் என்று ஈ.வி.கே.எஸ். இளங்கோவனிடம் எவருக்கும் தெரியாதபடி சண்டையிட்டதாக சொல்லப்படுகின்றது

அதனால் ஈ.வி.கே.எஸ். இளங்கோவன் விஜயதாரணியை சமாதானப்படுத்தும் வகையில் அவரை தமிழக மகளிர் காங்கிரஸ் தலைவியாக நியமிக்ககாங்கிரஸ் தலைமைக்கு பரிந்துரை செய்தாரம். இருந்தபோதிலும் விஜயதாரணி குஷ்பு இடையேயான கடும் மோதல் நீடித்தது. விஜயதாரணி மகளிர் காங்கிரஸ் தலைவியாக பொறுப்பேற்றதில் இருந்து அவர் நடத்திய எந்த நிகழ்ச்சியிலும் குஷ்புவுக்கு முக்கியத்துவம் அளிக்கப்படவில்லை. அவருக்கு முறையான அழைப்பு கொடுக்காமலும், போஸ்டரில் அவரது பெயரை இடம் பெறச்செய்யாமலும் தொடர்ந்து புறக்கணித்து வந்தார் ஈ.வி.கே.எஸ். இளங்கோவன் .

இந்த நிலையில் முன்னாள் பிரதமர் இந்திரா காந்தி பிறந்தநாள் விழாவில் இந்த மோதல் பகிரங்கமாக வெடித்தது. மகளிர் காங்கிரஸ் சார்பில் சத்தியமூர்த்தி பவன் வாசலில் டிஜிட்டல் பேனர்கள் வைக்கப்பட்டு இருந்தன. அதில் இளங்கோவன் படம் சிறியதாக வைக்கப்பட்டு இருந்தது.அப்போது நடந்த மகளிர் காங்கிரஸ் நிகழ்ச்சியில் இளங்கோவன் படத்தை சிறியதாக போடுவதா? என அவரது ஆதரவாளர்கள் விஜயதாரணியிடம் நேருக்கு நேராக கேட்டு வாக்குவாதம் செய்தனர். மேலும் விஜயதாரணி வைத்திருந்த பேனர்களையும் சேதப்படுத்தினார்கள்.

இதனால் ஆவேசம் அடைந்த விஜயதாரணி இளங்கோவன் அறைக்கு சென்று ஆவேசமாக சத்தம் போட்டு சீறினார். இளங்கோவனும் பதிலுக்கு ‘‘இங்கு சத்தம் போட வேண்டாம், வெளியே போங்கள்’’ என்று கண்டித்தார்.இளங்கோவன் தன்னை ஆபாசமாக திட்டியதாக விஜயதாரணி பரபரப்பு புகார் கூறினார். மேலும் விஜயதாரணி சார்பில் இளங்கோவன் மீது அண்ணா சாலை போலீசில் புகார் செய்யப்பட்டது. பதிலுக்கு விஜயதரணி மீதும் விஜயதாரணி ஆதரவாளர்கள் காவல் நிலையத்தில் புகார் செய்தனர்.

இந்த பிரச்சினையில் அகில இந்திய தலைவர்கள் தலையிட்டு சமாதானப்படுத்தினார்கள். இதனால் இரு தரப்பினரும் காவல் நிலையத்தில் அளித்த புகார் மனுக்களை திரும்ப பெற்றனர். என்றாலும் உள்ளுக்குள் உட்கட்சி பூசல் புகைந்து கொண்டு இருந்தது.இந்த நிலையில்தான் திடீர் என்று மகளிர் காங்கிரஸ் தலைவர் பதவியில் இருந்து விஜயதரணி நீக்கப்பட்டு புதிய தலைவராக ஏ.எஸ்.பொன்னம்மாளின் பேத்தியான ஜான்சிராணி நியமிக்கப்பட்டார். இவர் திண்டுக்கல் மாவட்ட மகளிர் காங்கிரஸ் தலைவியாக இருந்து வந்தார் என்பது குறிப்பிடத்தக்கது.

தமிழக காங்கிரஸ் கட்சியின் மேலிட பொறுப்பாளரான முகுல்வாஷ்னிக்கிடம் குஷ்பு நட்புரீதியாக அடிக்கடி பேசுவதால் விஜயதாரணி செயல்பாடுகள் பற்றி அடிக்கடி புகார் கூறி வந்தார். விஜயதாரணி பதவி நீக்கத்துக்கு அதுவும் நக்மா விவகாரமும் ஒரு காரணம் என்றும் சொல்லப்படுகின்றது.குஷ்புவுக்கு போட்டியாக நியமிக்கப்பட்ட நக்மாவை விஜயதாரணி அனுசரித்து நக்மா பங்கேற்ற நிகழ்ச்சியில் விஜயதரணி கலந்து கொண்டார். ஆனால் குஷ்பு பங்கேற்கவில்லை. நக்மாவுக்கு முக்கியத்துவம் அளிக்கப்பட்டதை குஷ்பு விரும்பவில்லை.

இந்த நிலையில் நக்மா ஜல்லிக்கட்டுக்கு எதிராக கருத்து தெரிவித்ததை இளங்கோவன் கண்டித்தார். நக்மாவுக்கு பாட்ஷாவை தெரிந்த அளவுக்கு ஜல்லிக்கட்டை தெரியாது என்று பகிரங்கமாகவே கூறினார்.இந்த நிலையில்தான் விஜயதாரணி நீக்கப்பட்டுள்ளார். ஈ.வி.கே.எஸ். இளங்கோவனின் ஆதரவாளரான குஷ்பு விஜயதரணி நீக்கத்தின் பின்னணியில் இருப்பதாக விஜயதாரணி ஆதரவாளர்கள் கூறி வருகின்றனர் .