அவரவர் அடுத்தவரை நன்றாகத் தெரிந்து கொண்டு நடந்தால்…!?

என்னதான் தெய்வ நிலைக்கு உயர்த்தி நாம் கும்பிட்டாலும் மாடு மாடுதான்..! அதன் இயல்பு அறிந்து அணுக வேண்டும்! மாட்டை நாம் தெய்வமாகப் பார்த்தாலும், மாடுக்கு அன்னியன் ஒரு துன்புறுத்தும் மனிதன் தான்!

“தான் குத்தியது பாஜக எம்பியை” என்பது அந்த மாட்டுக்குத் தெரிவதைவிட, அது பழக்கப்படாத மாடுதான் என்பதை பாஜகவினர் புரிந்துகொள்ள வேண்டும்!

***

தமிழக பெண் காவல்துறை அதிகாரியின் காக்கி சட்டையின் மீது கைவைத்து அவருடன் வாக்கு வாதத்தில் ஈடுபட்டு எகிறிப் பாய்ந்ததாக, தமிழக பாஜக தலைவி தமிழிசை மீது குற்றச்சாட்டு; அவர் மீது நடவடிக்கை எடுக்க திமுக., உள்ளிட்ட அரசியல் தலைவர்கள் கோரிக்கை!

திராவிட இயக்க பின்னணி கொண்டவர்கள் அப்படித்தான் என்பதை, பாஜக., தலைவர்கள் உணர்ந்து கொள்வதும் அவசியம்!

என்னதான் அவர்களை உயர்த்தி வைத்து ஆராதித்தாலும், தி.க. திமுக.,காரர்கள் அவர்கள் அவர்களே!

தாங்கள் காழ்ப்புணர்ச்சியுடன் காலால் மிதிப்பது பாஜக.,வினரைத்தான் என்பது திமுக., காரர்களுக்கு நன்றாகத் தெரியும் என்பதை விட, கட்டிப்பிடித்தாலும் எப்படியும் காலால் மிதிபடுவது நாம் தான் என்பது பாஜக.,காரர்களுக்கு நன்றாகத் தெரிய வேண்டும்!