சிட்னி சர்வதேச டென்னிஸ் போட்டியில் இந்தியாவின் சானியா மிர்சா – சுவிட்சர்லாந்தின் மார்டினா ஹிங்கிஸ் இணை வெற்றி பெற்றது. பிரான்ஸின் கிரேஸியா – மெல்டிநோவிக் இணையை 1-6, 7-15, 10-5 என் செட் கணக்கில் வென்றது சானியா இணை.
முதலில் சற்று பின்னடைவைச் சந்தித்தது சானியா-ஹிங்கிஸ் இணை. முதல் செட்டை 1-6 என்ற கணக்கில் இழந்த அந்த இணை, இரண்டாவது செட்டிலும் சற்று பின்தங்கியது. பின்னர் அதிரடியாக விளையாடி அந்த செட்டை 7-5 என்ற கணக்கில் வென்றது.
வெற்றியை தீர்மானிக்கும் சூப்பர் டை-பிரேக் போட்டிக்கு முன்னதாக திடீரென்று மழை பெய்ததால் ஆட்டம் தடைப்பட்டது. பின்னர் நடைபெற்ற ஆட்டத்தில் சானியா-ஹிங்கிஸ் இணை 10-5 என்ற கணக்கில் வென்று கோப்பையை வென்றது.
சானியா-ஹிங்கிஸ் இணை இதுவரை 10 பட்டங்களை கைப்பற்றி சாதனை படைத்துள்ளது.
