ஆஸ்திரேலிய முன்னாள் வீரரும் வர்ணனையாளருமான ரிச்சி பெனட் காலமானார்

riche சிட்னி: ஆஸ்திரேலியாவின் சிறந்த லெக் ஸ்பின்னரும் பெயர்பெற்ற வர்ணனையாளருமான ரிச்சி பெனட், சிட்னியில் காலமானார். அவருக்கு வயது 84. சரும புற்றுநோயால் பாதிக்கப்பட்டிருந்த பெனட், 2013-ம் ஆண்டு கார் விபத்தில் பாதிக்கப்பட்டார். இதனால் அவருடைய இயல்பு வாழ்க்கை பாதிக்கப்பட்டது. சிறந்த லெக் ஸ்பின்னரும் அதிரடி பேட்ஸ்மேனுமான பெனட், 248 டெஸ்ட் விக்கெட்டு சாய்த்தவர். அவர் கேப்டனாக இருந்தபோது ஆஸி. அணி ஒரு டெஸ்ட் தொடரிலும் தோற்றதில்லை. மொத்தம் 63 டெஸ்ட் போட்டிகளில் ஆடி 1964-ல் ஓய்வு பெற்றார். கிரிக்கெட் விளையாடி வந்த காலத்திலேயே பெனட் பிபிசிக்கு வர்ணனையாளராகவும் இருந்தார். கிரிக்கெட்டிலிருந்து ஓய்வுபெற்ற பின் முழுநேர வர்ணனையாளர் ஆனார். சேனல் 9 கிரிக்கெட் ஒளிபரப்பை பலரும் விரும்ப பெனடின் வர்ணனையும் ஒரு காரணம்.