மகரம் (பிலவ – மாசி மாத பலன்கள்)

ப்லவ வருடம் மாசி மாத ராசி பலன்கள்
(12.2.2022 முதல் 13.03.2022 வரை)

ப்லவ வருடம் மாசி மாத ராசி பலன்கள் (12.02.2022 முதல் 13.03.2022 வரை) புஷ்யபக்ஷ அயனாம்ஸப்படி  மாசி மாதம் ஒரு நாள் முன்னதாக துவங்குகிறது

வருகிற 12.02.2022 நள்ளிரவு 12:23:6 மணிக்கு சூரியபகவான் மகர ராசியில் இருந்து  கும்ப ராசிக்கு பெயர்ச்சி ஆகிறார். அவர் கும்ப ராசியில் 13.03.2022 இரவு 08:49:01 மணி வரை சஞ்சரிக்கிறார்.

இது புஷ்யபக்ஷ அயனாம்ஸத்தை ஒட்டி ஜகந்நாத் ஹோரா கணித பஞ்சாங்கப்படி கணிக்கப்பட்டது. 

வாக்கியப்படி 13.0.2022 அதிகாலை 04.13 மணிக்கு (உதயாதி 55.37 நாழிகைக்கு) கும்ப ராசிக்கு பெயர்ச்சிஆகிறார்.

ஒவ்வொரு ராசிக்குமான பலன்கள் புஷ்ய பக்ஷ அயனாம்ஸ பஞ்சாங்கப்படி கொடுக்கப்பட்டு இருக்கிறது.

உங்கள் பிறந்த லக்னம் தெரிந்தால் அந்த ராசிக்கான பலனையும் சேர்த்து பார்த்தல் சரியாக வரும்.

கோச்சார கிரஹ நிலைகள்

கிரஹ பாத சாரங்கள் : மாசி மாத பிறப்பின் போது

லக்னம் – விருச்சிகம் – விசாகம் – 4
சூரியன் –  கும்பம் – அவிட்டம் – 3
சந்திரன் – மிதுனம் – மிருகசீரிடம் – 4
செவ்வாய் – தனூர் – பூராடம் – 3
புதன் –  மகரம் – உத்திராடம் – 3
வியாழன் – கும்பம் –  சதயம் – 4
சுக்ரன் –  தனூர் –  பூராடம் – 3 
சனி – மகரம் – அவிட்டம் – 1
ராகு – ரிஷபம் – கிருத்திகை – 3
கேது – விருச்சிகம் – அனுஷம் – 1

கிரஹ வலிமைகள் :

மிக வலுவான கிரஹம் சுக்ரன்,  வலுவான கிரகம் :  குரு, சனி

சூரியன், புதன், ராகு,கேது, செவ்வாய் இவை மத்ய பலனை கொடுக்கும்

இவை மாதம் பிறக்கும் போது உள்ள நிலை. ஒவ்வொரு கிரஹமும் அந்த மாத்தத்தில் சஞ்சார நிலை கொண்டு வலிமை மாறுபடும்

இவற்றை கணக்கில் கொண்டு பலன் சொல்லப்படுகிறது. மேலும் ஜாதகர் பிறப்பு லக்னத்தை ஒட்டி பலன் சொல்லப்படுகிறது உதாரணமாக மேஷ ராசி ஜாதகர் கடக லக்னத்தில் பிறந்தால் கடகராசி பலனும் அவருக்கு பொருந்தும். உங்களது பிறந்த லக்னம் தெரிந்தால் அந்த ராசிக்கான பலனையும் சேர்த்து பார்த்து அறியவும்.

பொது பலன்:

பாரத தேசம் & தமிழகம் பொருத்தவரை:  
சுக்ரன் வலு அதனால் கலைத்துறை, வங்கி பணம் புழங்கும் இடம், ஆடை ஆபரண உற்பத்தி & விற்பனை, போன்றவை நல்ல முன்னேற்றம் பெறும். அன்னியர்களிடம் தேசத்தின் மதிப்பு கூடும். அரசர்களுக்குள் உண்டாகும் சண்டை மக்களிடம் அச்சத்தை ஏற்படுத்தும். பொதுவாக விவசாயம், கல்வி துறைகள் சிரமத்துக்குள்ளாகும். விரோதிகளின் கை ஓங்கியது போல தெரியும், செவ்வாய் மகரத்தில் சஞ்சரிக்கும் 26.02.2022 முதல் ஓரளவு நன்மை உண்டாகும். தமிழகத்தில் குழப்பங்கள் நீங்கி ஓரளவு நன்மை உண்டாகும். மத்தியில் ஆளும் ஆட்சி தங்களது நோக்கங்களை நிறைவேற்றும் போது உலக அரங்கில் வரவேற்பை பெற்றாலும் பொருளாதார தேக்கத்தினால் மக்கள் விரக்தி அடைவர் நாட்டில் சலசலப்பு இருந்து கொண்டிருக்கும். பொதுவில் பெரிய ஆபத்துகள் இல்லை எனினும் மக்களிடம் பயம் கலந்த ஒரு நிலை இருந்து கொண்டிருக்கும்.

மாத ராசிபலன் கணிப்பு :
லக்ஷ்மீ ந்ருஸிம்ஹாச்சாரி, ஜோதிடர்,
ஸ்ரீஅக்ஷயா வேதிக் அஸ்ட்ரோ ரிசர்ச் பௌண்டேஷன்
D1-304, Block D1, Dhakshin Appartment
Siddharth Foundation, Iyyencheri Main Road,
Urappakkam – 603210, Kancheepuram Dist
Land Line : 044-35584922 | 8056207965 (வாட்ஸப்)
Email ID : mannargudirs1960@hotmail.com

மகரம் 🙁உத்திராடம் 2,3,4 பாதங்கள், திருவோணம் 4 பாதம், அவிட்டம் 1,2 பாதங்கள் முடிய) :

பல கிரஹங்கள் சாதகம், ராசிநாதர் பலம், ஜீவன ஸ்தானத்தை பார்ப்பது, குரு பகவானின் 6,8,10ம் இட பார்வை இதுவரை இருந்துவந்த கடன்,வியாதி எதிரி, பயம், ஜீவன வகையில் தடைகள் இவற்றை நீக்கி புதிய உற்ச்சாகம் முயற்சிகளில் வெற்றி என்று தருகிறார். மேலும் ராசியில் 25ம் தேதிக்கு மேல் வரும் செவ்வாய் சுக்ரனும், குடும்பத்தில் மகிழ்ச்சியான சூழலை உண்டாக்குகிறார்கள். மேலும் 10ம் இடத்துக்கு உண்டான பலனை முன் கூட்டியே தரும் கேதுவால் இரட்டை வருமானம் மொத்த தேவைகளையும் பூர்த்தி செய்யும் குழந்தை பாக்கியம் எதிர்பார்த்தோருக்கு கரு இந்த மாதம் உண்டாக மிக அதிக வாய்ப்பு உள்ளது தாமதமாகி கொண்டிருந்த திருமண நிலையில் வரன் அதிகம் வரும் ஓரளவு திருமண தேதியை நிச்சயமாக்கும் என்பது உறுதி. பொதுவில் இந்த மாதம் பல கிரஹ நிலைகள் சாதகம் என்பதால் கடந்த காலங்களில் தடைபட்டு வந்த அனைத்தும் மெல்ல சீர்பட துவங்கும். கடன் தொல்லையில் இருந்து முற்றிலும் விடுபட ஏற்பாடு நடக்கும். பெண்களால் உதவி, குடும்ப உறவுகளின் மூலம் மகிழ்ச்சி அக்கம்பக்கத்தாரால் எதிர்பாராத உதவி, வாழ்க்கை துணைவரால் அதிக நன்மை அன்பு கிடைத்தல், சமூதாயத்தில் அந்தஸ்து கூடுதல், பெரிய பொறுப்புகள் கிடைத்தல் அரசியல்வாதிகள், அரசாங்கத்தில் உயர்பதவி தனியார் துறைகளில் பெரியபதவியில் இருப்போர் சொந்த தொழில் செய்வோர் இவர்களுக்கு மிக நல்ல நிலை ஏற்படும். அனைத்து பிரிவினருக்கும் மிக சிறந்த மாதமாக அமையும் பிறப்பு ஜாதகம் நன்றாக இருந்தால் இது இன்னும் அதிகரிக்கும்.

உத்திராடம் 2,3,4 பாதங்கள் சந்திராஷ்டமம் : 16.02.2022 பிற்பகல் 01.35 மணி முதல் 17.02.2022 பிற்பகல் 02.04 மணி வரை

திருவோணம் 4 பாதம் சந்திராஷ்டமம் : 17.02.2022 பிற்பகல் 02.04 மணி முதல் 18.02.2022 பிற்பகல் 02.37 மணி வரை

அவிட்டம் 1,2 பாதங்கள் சந்திராஷ்டமம் : 18.02.2022 பிற்பகல் 02.37 மணி முதல் 19.02.2022 பிற்பகல் 02.48 மணி வரை

வணங்கவேண்டிய தெய்வம் & நற்செயல்கள்: செஞ்சுலக்ஷ்மி தாயார் வழிபாடு, தாயார் சன்னதியில் விளக்கேற்றுதல், குலதெய்வம் பூஜை வெள்ளிக்கிழமை, ஞாயிற்றுக்கிழமைகளில் செய்வது, முடிந்த அ:ளவு அன்னதானம், பறவை பசு போன்ற உயிரினங்களுக்கும் உணவிடுதல் மிக நன்மையை தரும்.