சேலை கட்டியிருந்தாலும் ‘ஜோ’ பண்ணின வேலை.. என்னனு தெரியுமா?

விருது விழா ஒன்றில் பங்கேற்ற நடிகை ஜோதிகா, அசத்தலாய் சிலம்பம் சுற்றிய வீடியோ வைரலாகி வருகிறது.

நடிகை ஜோதிகா அஜித் நடிப்பில் வெளியான வாலி படத்தில் ஒரு சிறு கதாப்பாத்திரத்தின் மூலம் நடிகையாக அறிமுகமானார். அதன்பிறகு சூர்யாவுடன் இணைந்து பூவெல்லாம் கேட்டுப்பார் படத்தில் நடித்தார்.

திருமணத்திற்கு பிறகு நீண்ட இடைவெளிக்கு பிறகு மீண்டும் படங்களில் நடிக்க தொடங்கிய நடிகை ஜோதிகா, 36 வயதினிலே படத்தின் மூலம் மீண்டும் ரீஎன்ட்ரி ஆனார். தொடர்ந்து கதாநாயகிகளுக்கு முக்கியத்துவம் அளிக்கும் படங்களில் நடித்து வருகிறார். மகளிர் மட்டும், நாச்சியால், காற்றின் மொழி, ராட்சசி உள்ளிட்ட படங்கள் பெரும் வரவேற்பை பெற்றது.

தற்போது பொன்மகள் வந்தாள் படத்தில் நடித்து வருகிறார் நடிகை ஜோதிகா. இந்நிலையில் சென்னை ட்ரேட் சென்டரில் ஜேஎஃப்டபிள்யூ விருது விழா நடைபெற்றது. இதில் சேலையில் அசத்தலாக பங்கேற்றார் ஜோதிகா. பின்னர் சேலையிலேயே துள்ளிக் குதித்து சுற்றி சுழன்று சிலம்பம் சுற்றினார் ஜோதிகா.
ஜோதிகா சிலம்பம் சுற்றும்போதும் ரசிகர்கள் கத்தி ஆரவாரம் செய்தனர்.

இந்த வீடியோவை சில்லுக்கருப்பட்டி படத்தின் இயக்குநர் ஹாலிதா தனது டிவிட்டர் பக்கத்தில் வெளியிட்டுள்ளார். மேலும் தான் சேலை கட்டியிருப்பதை காட்டி எந்த வம்பும் செய்யாமல் சிலம்பம் ஆடியுள்ளார் என்றும் ஜோதிகாவை பாராட்டியிருக்கிறார் ஹாலிதா. ஜோதிகாவின் இந்த வீடியோ சமூக வலைதளங்களில் வைரலாகி வருகிறது.

Jo ma’am called the names of her fans, the top 4, in her speech. Extremely sweet of her and she mentioned about Sillukaruppatti too❤️ and this silmabam she did it without any ‘Oh I’m wearing a saree’ kind of fuss. pic.twitter.com/Aj0egHWZgY

— Halitha (@halithashameem) March 14, 2020