இளநீரின் மேன்மை
இளநீரில் புரோட்டீன், கால்சியம், இரும்புச்சத்து, வைட்டமின் சி, சோடியம், பொட்டாசியம். மெக்னீஷியம் ஆகியவை நிறைய இருக்கிறது. இளநீரில் பனங்கற்கண்டை கரைத்துக் குடிக்க சிறுநீர் எரிச்சல் நிற்கும். இளநீர் உடலுக்கு குளிர்ச்சி தரும்.
கருமை நீங்க…
மணம் தரும் நன்னாரி வேர், ஆவாரம்பூ, ஆலம்பட்டை மூன்றையும் இடித்து கஷாயம் போட்டு தினமும் காலை, மாலை சாப்பிட்டு வர முகத்தில் படர்ந்த கருமை மாறும். உடலும் நிறம் மாறும்.
கடற்கரை மருத்துவம்
கடற்கரைக்கு காற்று வாங்கவும் பொழுது போக்கவும் செல்லும் போது கடல் காற்றிலுள்ள அயோடின் பல நோய்களைக் குணப்படுத்தும். கடல் நீர் ஆறாத புண்ணையும் ஆற்றும்.
தலை வழுக்கை சரியாக…
யானைத் தந்தத்தை அரத்தினால் ராவி பாத்திரத்தில் போட்டுக் கரிய வறுத்து மசித்து சிறிது தேங்காயெண்ணெயுடன் குழைத்து தலைக்குத் தேய்த்து வர ஆரம்ப நிலையிலுள்ள வழுக்கை மாறி முடி வளரும்.
சிரங்கு சரியாக…
குப்பைமேனிச் சாறும் தேங்காயெண்ணெயும் சம அளவு கலந்து பூசி வர சிரங்கு குணமாகும்.
