ஸ்ரீநகர் பட்காமில் நிலச்சரிவு; வீடுகள் சேதம்; பலர் உயிரிழந்திருக்கலாம் என அச்சம்

ஜம்மு காஷ்மீர் மாநிலத்தில் பல்வேறு பகுதிகளில் கடந்த பலத்த மழை பெய்து வருகிறது. தொடர்ந்து மழை பெய்வதால் ஸ்ரீநகர் வெள்ளத்தில் மிதக்கிறது. பலத்த மழை காரணமாக பட்காம் மாவட்டத்தில் சதுரா பகுதியில் 2 வீடுகள் இடிந்து விழுந்துள்ளன. சிரார்–இ–சரீப் பகுதியில் நிலச்சரிவு ஏற்பட்டதில், 18 வீடுகள் சேதம் அடைந்தன. பட்காம் மாவட்டத்தில் ஏற்பட்ட நிலச்சரிவால் 10 வீடுகள் உள்பட 44 கட்டிடங்கள் சேதம் அடைந்துள்ளன. இந்தச் சம்பவங்களில் 16 பேர் பலியாகியிருக்கலாம் என அஞ்சப் படுகிறது. மேலும் பல இடங்களில் வெள்ளத்தில் சிக்கி பொதுமக்கள் தவிக்கிறார்கள். அவர்களை மீட்கும் பணி நடந்து வருகிறது.