தமிழ் வருடப் பிறப்பு (ஏப்.14) அன்று மத்திய அரசு ஊழியர்களுக்கு விடுமுறை

சென்னை: மத்திய அரசு ஊழியர்களுக்கு தமிழ் வருடப் பிறப்பான சித்திரை 1 (ஏப்ரல் 14) அன்று விடுமுறை தினம் ஆகிறது. டாக்டர் பி.ஆர். அம்பேத்கர் பிறந்த நாளான ஏப்ரல் 14, 2015 (செவ்வாய்கிழமை) அன்று மத்திய அரசு ஊழியர்களுக்கு விடுமுறை என அறிவிக்கப்பட்டுள்ளது. மத்திய பணியாளர்கள் நலன், பொது மக்கள் குறை தீர்ப்பு மற்றும் ஓய்வூதிய அமைச்சகத்தின் பணியாளர் மற்றும் பயிற்சி துறை இதை அறிவித்துள்ளது. மத்திய அரசு ஊழியர்கள் நல ஒருங்கிணைப்பு குழு வெளியிட்ட செய்திக் குறிப்பில் இந்த விடுமுறை குறித்த தகவல் தெரிவிக்கப்பட்டுள்ளது.