இன்று கர்நாடக சட்ட மேலவைத் தேர்தல்

கர்நாடக சட்ட மேலவையில் காலியாக உள்ள 6 இடங்களுக்கு உறுப்பினர்களைத் தேர்வு செய்ய இன்று தேர்தல் நடத்தத் திட்டமிடப்பட்டுள்ளது.

கர்நாடக சட்ட மேலவையில் கர்நாடக தென்கிழக்கு ஆசிரியர், கர்நாடக தெற்கு ஆசிரியர், கர்நாடக தென்மேற்கு ஆசிரியர், கர்நாடக தென்மேற்கு பட்டதாரி, பெங்களூரு பட்டதாரி, கர்நாடக வடகிழக்கு பட்டதாரி தொகுதிகளை முறையே பிரதிநிதித்துவப்படுத்தும் ரமேஷ்பாபு (மஜத), மரிதிப்பேகெளடா(மஜத), கணேஷ் கார்னிக்(பாஜக, டி.எச்.சங்கரமூர்த்தி(பாஜக), ராமசந்திரகெளடா(பாஜக), அமர்நாத்பாட்டீல்(பாஜக)ஆகியோரின் பதவிக் காலம் ஜூன் 21-ஆம் தேதி நிறைவுபெறுகிறது.

இதையடுத்து, காலியாகவுள்ள 6 இடங்களுக்கு ஜூன் 8-ஆம் தேதி தேர்தல் நடத்த தேர்தல் ஆணையம் திட்டமிட்டுள்ளது.

டி.எச்.சங்கரமூர்த்தி, ராமசந்திர கெளடா ஆகிய இரு மூத்த தலைவர்களும் கடந்த 30 ஆண்டுகளாக சட்ட மேலவை உறுப்பினர்களாக பதவி வகித்து வருகிறார்கள். இவர்களுக்கு தேர்தலில் நிற்கும் வாய்ப்பு பாஜகவால் மீண்டும் வழங்கப்படவில்லை.

கர்நாடக சட்ட மேலவையில் கர்நாடக தென்கிழக்கு ஆசிரியர், கர்நாடக தெற்கு ஆசிரியர், கர்நாடக தென்மேற்கு ஆசிரியர், கர்நாடக தென்மேற்கு பட்டதாரி, பெங்களூரு பட்டதாரி, கர்நாடக வடகிழக்கு பட்டதாரி தொகுதிகளை முறையே பிரதிநிதித்துவப்படுத்தும் ரமேஷ்பாபு (மஜத), மரிதிப்பேகெளடா(மஜத), கணேஷ் கார்னிக்(பாஜக, டி.எச்.சங்கரமூர்த்தி(பாஜக), ராமசந்திரகெளடா(பாஜக), அமர்நாத்பாட்டீல்(பாஜக)ஆகியோரின் பதவிக் காலம் ஜூன் 21-ஆம் தேதி நிறைவுபெறுகிறது

கர்நாடக வடகிழக்கு பட்டதாரி தொகுதியில் பீதர், கலபுர்கி, யாதகிரி, ராய்ச்சூரு, கொப்பள், பெல்லாரி மாவட்டங்கள், கர்நாடக தென்மேற்கு பட்டதாரி தொகுதியில் சிவமொக்கா, தாவணகெரே, தென்கன்னடம், உடுப்பி, சிக்மகளூரு, குடகு மாவட்டங்கள், பெங்களூரு பட்டதாரி தொகுதியில் பெங்களூரு, பெங்களூரு ஊரகம், ராமநகரம் மாவட்டங்கள், கர்நாடக தென்கிழக்கு ஆசிரியர் தொகுதியில் சித்ரதுர்கா, தும்கூரு, கோலார், சிக்பளாப்பூர் மாவட்டங்கள், கர்நாடக தென்மேற்கு ஆசிரியர் தொகுதியில் சிவமொக்கா, தாவணகெரே, தென்கன்னடம், உடுப்பி, சிக்மகளூரு, குடகு மாவட்டங்கள், கர்நாடக தெற்கு ஆசிரியர் தொகுதியில் மைசூரு, சாமராஜ்நகர், மண்டியா, ஹாசன் மாவட்டங்களின் வாக்காளர்கள் உள்ளனர்.

பெங்களூரு பட்டதாரி தொகுதியில் காங்கிரஸ் வேட்பாளராக ராமோஜிகெளடா, பாஜக வேட்பாளராக ஏ.தேவெகெளடா, மஜத வேட்பாளராக அச்சேகெளடாசிவண்ணா உள்பட 22 வேட்பாளர்கள்; கர்நாடக வடகிழக்கு பட்டதாரி தொகுதியில் காங்கிரஸ் வேட்பாளராக சந்திரசேகர் பாட்டீல், பாஜக வேட்பாளராக கே.பி.சீனிவாஸ், மஜத வேட்பாளராக என்.பிரதாப்ரெட்டி, கன்னட சலுவளிக் கட்சி வேட்பாளராக வாட்டாள் நாகராஜ் உள்பட 10 வேட்பாளர்கள்; கர்நாடக தென்கிழக்கு ஆசிரியர் தொகுதியில் காங்கிரஸ் வேட்பாளராக எம்.ராமப்பா, பாஜக வேட்பாளராக ஒய்.ஏ.நாராயணசாமி, மஜத வேட்பாளராக ரமேஷ்பாபு உள்பட 14 வேட்பாளர்கள்; கர்நாடக தெற்கு ஆசிரியர் தொகுதியில் காங்கிரஸ் வேட்பாளராக எம்.லட்சுமணா, பாஜக வேட்பாளராக பி.நிரஞ்சன்மூர்த்தி, மஜத வேட்பாளராக மரிதிப்பேகெளடா உள்பட 9 வேட்பாளர்கள்; கர்நாடக தென்மேற்கு ஆசிரியர் தொகுதியில் காங்கிரஸ் வேட்பாளராக கே.கே.மஞ்சுநாத்குமார், பாஜக வேட்பாளராக கேப்டன் கணேஷ் கார்னிக், மஜத வேட்பாளராக எஸ்.எல்.போஜேகெளடா உள்பட 12 வேட்பாளர்கள்; கர்நாடக தென்மேற்கு பட்டதாரி தொகுதியில் காங்கிரஸ் வேட்பாளராக எஸ்.பி.தினேஷ், பாஜக வேட்பாளராக ஆயனூர் மஞ்சுநாத், மஜத வேட்பாளராக அருணாகுமார் உள்பட 8 வேட்பாளர்கள் களத்தில் உள்ளனர்.

இன்று காலை 7 மணி முதல் மாலை 5 மணிவரை வாக்குப்பதிவு நடத்தப்படுகிறது. வரும் 12-ஆம் தேதி வாக்குகள் எண்ணப்பட்டு, முடிவுகள் அறிவிக்கப்படவிருக்கின்றன.