புது தில்லி,
பெட்ரோல் விலை லிட்டருக்கு 63 காசுகளும், டீசல் விலை லிட்டருக்கு ரூ.1.06ம் குறைந்தது.
பெட்ரோல், டீசல் விலையை 15 நாட்களுக்கு ஒருதடவை பொதுத்துறை எண்ணெய் நிறுவனங்கள் மாற்றி அமைத்து வருகின்றன. சர்வதேச சந்தையில் கச்சா எண்ணெய் விலை நிலவரம் மற்றும் அமெரிக்க டாலருக்கு நிகரான ரூபாய் மதிப்பு அடிப்படையில், விலை மாற்றி அமைக்கப்பட்டு வருகிறது. அந்தவகையில், நேற்று பெட்ரோல், டீசல் விலை குறைக்கப்பட்டது. சர்வதேச சந்தையில் கச்சா எண்ணெய் விலை குறைந்து வருவதால், அதன் பலனை வாடிக்கையாளருக்கு அளிப்பதற்காக, இந்த விலை குறைப்பு செய்யப்பட்டுள்ளது.
பெட்ரோல் விலை லிட்டருக்கு 63 காசு குறைக்கப்பட்டது. டீசல் விலையை பொறுத்தவரை, லிட்டருக்கு ஒரு ரூபாய் 6 காசு குறைக்கப்பட்டது.
இந்த விலைக் குறைப்பு, நேற்று நள்ளிரவு முதல் அமலுக்கு வந்தது.
