283 தொகுதிகளில் வென்று மீண்டும் ஆட்சி அமைக்கிறது பாஜக என்று டைம்ஸ் நவ் கருத்துக் கணிப்பு கூறியுள்ளது.
டைம்ஸ் நவ் மற்றும் விஎம்ஆா் நடத்திய கருத்துக் கணிப்பில் பாஜக தலைமையிலான தேஜகூட்டணி., மொத்தமாக 283 தொகுதிகளில் வென்று கூட்டணி ஆட்சி அமையும் என்று கூறியுள்ளது. மேலும், காங்கிரஸ் தலைமையிலான ஐமு.கூட்டணி 135 தொகுதிகளிலும் வெல்லும் என்கிறது அந்தக் கருத்துக் கணிப்பு!
17 ஆவது மக்களவைக்கான தேர்தல் தேதி அறிவிக்கப்பட்டு, ஆளும் தே.ஜ.கூட்டணி மற்றும் முந்தைய ஐ.மு.கூட்டணி, மகாகட்பந்தன் என்ற பெயரில் செயல்படும் மூன்றாவது மாநிலக் கட்சிகளின் அணி என பல தரப்பும் தேர்தலில் வெற்றிபெறுவதற்கான மும்முரத்தில் உள்ளன. இந்நிலையில் வரும் தேர்தலில் யார் வெற்றி பெறுவார் என்று கருத்துக் கணிப்புகளும் களை கட்டி வருகின்றன.
குறிப்பாக, முந்தைய அரசியல் சூழலைக் கருத்தில் கொண்டும், ராகுல் காந்தியின் பிரசாரம், மாறிவரும் கூட்டணிகளின் சூழல், கட்சிகளின் நிலைப்பாடு இவையும் இந்தக் கருத்துக் கணிப்புகளில் மாற்றங்களைக் கொண்டு வரலாம். இந்நிலையில்,டைம்ஸ் நவ், விஎம்ஆா் இணைந்து நடத்திய கருத்துக் கணிப்பு முடிவுகள் தற்போது வெளியிடப்பட்டுள்ளன. அதன்படி…..
[su_posts template=”templates/teaser-loop.php” posts_per_page=”3″ tax_term=”35″ order=”desc”]
கேரளா: கேரளத்தில் இடதுசாரிகளுக்கு சரிவு ஏற்பட்டுள்ளது.
கேரளாவில் மொத்தம் உள்ள 20 தொகுதிகளில் காங்கிரஸ் உள்ளிட்ட கட்சிகள் இடம் பெற்றிருக்கும் யுடிஎப் (ஐக்கிய ஜனநாயக முன்னணி) கூட்டணி 16 தொகுதிகளிலும், பாஜக 1 தொகுதியிலும், இடதுசாரிகள் 3 தொகுதிகளிலும் வெல்லும் வாய்ப்பு ஏற்பட்டுள்ளது.
ஆந்திரா: இங்கே தெலுகு தேசம் பெரும் சரிவைச் சந்திக்கும் என்று கூறப் படுகிறது.
இங்கு மொத்தமுள்ள 25 தொகுதிகளில், ஒய்.எஸ்.ஆா்.காங்கிரஸ் 22 தொகுதிளிலும், தெலுங்கு தேசம் கட்சி 3 தொகுதிகளிலும் வெற்றி பெற வாய்ப்பு உள்ளது. பாஜக, காங்கிரஸ்க்கு எதுவும் கிடைக்காது என்று கருத்துக் கணிப்பில் தெரிவிக்கப்பட்டுள்ளது.
தெலங்கானா: இங்கே சட்டப் பேரவைத் தேர்தலில் பெற்ற அதே வெற்றியை சந்திரசேகர் ராவ் தக்கவைப்பார் என்கிறார்கள்.
இங்கு, 17 தொகுதிகளில், தெலங்கானா ராஷ்டிரிய சமிதி கட்சி 13 தொகுதிளிலும், பாஜக 2, காங்கிரஸ் 1 தொகுதியில் வெற்றி பெற வாய்ப்பு உள்ளது.
கா்நாடகா: இரு கூட்டணியும் சரிபாதி வெல்லும் என்கிறார்கள்.
28 தொகுதிகளில், பாஜக 15 தொகுதிகளிலும், காங்கிரஸ் 13 தொகுதிகளிலும் பெற்றி பெற வாய்ப்பு உள்ளது.
மேற்குவங்கம்: இங்கு திரிணமுல், பாஜக., வெற்றி பெறும். காங்கிரஸ் கம்யூனிஸ்ட்கள் படுதோல்வியை சந்திப்பர் என்கிறார்கள்.
42 தொகுதிகளில் திரிணாமுல் காங்கிரஸ் கட்சி 31 தொகுதிகளிலும், பாஜக 11 தொகுதிகளிலும் வெற்றி பெற வாய்ப்பு உள்ளது.
பிகார்: இங்கு தேஜ.கூட்டணிக்கு அதிக வாய்ப்பு உள்ளது.
மொத்தமுள்ள 40 தொகுதிகளில் பாஜகவுக்கு 27 தொகுதிகளும், காங்கிரஸ் கூட்டணிக்கு 13 தொகுதிகளும் கிடைக்கக் கூடும்.
ஜார்கண்ட்: இங்கு இரு கூட்டணிகளும் சரிபாதி பெற வாய்ப்பு உள்ளது.
பாஜக 8 தொகுதிளிலும், காங்கிரஸ் கூட்டணி 6 தொகுதிளிலும் வெற்றி பெறக் கூடும்.
ஒடிசா : இங்கு பாஜக., அதிக தொகுதிகளைப் பெறலாம்.
மொத்தமுள்ள 21 தொகுதிகளில், பாஜக 14 தொகுதிகளிலும், பிஜூ ஜனதா தளம் 7 தொகுதிகளிலும் வெற்றி பெற வாய்ப்பு உள்ளது.
அஸ்ஸாம் : இங்கு பாஜக.,வுக்கு அதிக தொகுதிகள் கிடைக்கும்.
14 தொகுதிகளில் காங்கிரஸுக்கு 4, பாஜகவுக்கு 8, ஐடியுஎப்க்கு 2 தொகுதிகள் கிடைக்க வாய்ப்புள்ளது
மகாராஷ்டிரா: இங்கு தேஜ.கூட்டணிக்கு அதிக வாய்ப்பு உள்ளது.
மொத்தமுள்ள 48 தொகுதிகளில், பாஜக 39 தொகுதிகளிலும், காங்கிரஸ் 9 தொகுதிகளிலும் வெற்றி பெற வாய்ப்புள்ளது.
குஜராத் : இங்கு பாஜக., ஒட்டுமொத்தமாக வெற்றி பெறும் எனப்படுகிறது.
பிரதமா் நரேந்திர மோடியின் சொந்த மாநிலம் என்பதால், தற்போதும் மோடிக்கான செல்வாக்கு அதிகம் இருப்பதால், இங்கு பாஜக 24 தொகுதிகளிலும், காங்கிரஸ் 2 தொகுதிகளிலும் வெற்றி பெற வாய்ப்பு ஏற்பட்டுள்ளது.
உத்தரப்பிரதேசம்: மாறிவரும் கூட்டணி காரணத்தால், பாஜக., பாதிக்கும் மேற்பட்ட தொகுதிகளை வெல்லும் எனப்படுகிறது.
இங்கு பாஜக.,வுக்கு 42 தொகுதிகளும், சமாஜ்வாதி, பகுஜன் சமாஜ் கூட்டணிக்கு 36 தொகுதிகளும், காங்கிரஸுக்கு 2 தொகுதிகளும் கிடைக்க வாய்ப்புள்ளது.
உத்தராகண்ட்: சிறிய மாநிலமான இதில், பாஜக., அனைத்து தொகுதிகளையும் கைப்பற்றும் என்கிறார்கள்.
இங்கு பாஜக 5 தொகுதிகளிலும் வெற்றி பெறும் வாய்ப்பு ஏற்பட்டுள்ளது.
மத்திய பிரதேசம்: மாநிலத்தில் ஆட்சியை ஓரிரு இடங்களில் கோட்டை விட்ட பாஜக., இம்முறை அதிக தொகுதிகளைப் பெறும் என்கிறார்கள்.
பாஜக 22 தொகுதிகளிலும், காங்கிரஸ் 7 தொகுதிகளிலும் வெற்றி பெற வாய்ப்பு உள்ளது.
ராஜஸ்தான்: சட்டப் பேரவைத் தேர்தலில் சரிவு ஏற்பட்டாலும், நாடாளுமன்றத் தேர்தலில் பாஜக., நல்ல வெற்றி பெறும் என்கிறார்கள்.
25 தொகுதிகளில் பாஜக 20 தொகுதிகளிலும், காங்கிரஸ் 5 தொகுதிகளிலும் வெற்றி பெற வாய்ப்பு உள்ளது.
தில்லி : தில்லியில் மொத்தம் உள்ள 7 தொகுதிகளிலும் பாஜக வெற்றி பெற வாய்ப்பு ஏற்பட்டுள்ளது.
ஹரியானா: இங்கும் பாஜக.,வுக்கு வெற்றி வாய்ப்பு பிரகாசமாக உள்ளது.
10 தொகுதிகளில் பாஜக 8 தொகுதிகளிலும், காங்கிரஸ் 2 தொகுதிகளிலும் வெற்றி பெற வாய்ப்பு உள்ளது.
பஞ்சாப்: இங்கு ஆளும் காங்கிரஸுக்கு வெற்றி வாய்ப்பு அதிகம் என்கிறார்கள்.
பஞ்சாப் மாநிலத்தில் காங்கிரஸ் கூட்டணி 12 தொகுதிகளிலும், ஆம் ஆத்மி 1 தொகுதியிலும் வெற்றி பெறலாம்.
[su_posts template=”templates/teaser-loop.php” posts_per_page=”3″ tax_term=”33″ order=”desc”]
ஜம்மு காஷ்மீா்: இங்கு பாஜக 2 தொகுதிகளிலும், ஜெகேஎன் 4 தொகுதிகளிலும் வெற்றி பெற வாய்ப்பு உள்ளது.
இமாச்சல பிரதேசம் :4 தொகுதிகளில் பாஜக 3 தொகுதிகளிலும், காங்கிரஸ் 1 தொகுதியிலும் வெற்றி பெறக் கூடும்.
சண்டிகா் : இருக்கும் ஒரு தொகுதியை பாஜக., கைப்பற்றும் என்கிறார்கள்.
சத்தீஸ்கா்: பாதிக்கும் மேல் பாஜக., கைப்பற்றும் என்கிறார்கள்.0
மொத்தமுள்ள 11 தொகுதிகளில் பாஜக 6 தொகுதிகளிலும், காங்கிரஸ் 5 தொகுதிகளிலும் வெற்றி பெற வாய்ப்பு உள்ளது
தமிழகம்: திமுக, கூட்டணிக்கு அதிக இடங்கள் கிடைக்கும் என்கிறார்கள்.
மொத்தமுள்ள 39 தொகுதிகளில் திமுக கூட்டணி 34 தொகுதிகளிலும், பாஜக, அதிமுக கூட்டணி 5 தொகுதிகளிலும் வெற்றி பெற வாய்ப்பு உள்ளதாகக் கூறப்படுகிறது.
புதுச்சேரி மக்களவைத் தொகுதியில் காங்கிரஸ் வெற்றி பெறும் எனப் படுகிறது.
நாட்டில் மொத்தமுள்ள 543 தொகுதிகளில் பாஜக கூட்டணி 283 தொகுதிகளில் வெற்றி பெற்று மீண்டும் ஆட்சி அமைக்கும் என்று இந்தக் கருத்துக் கணிப்புகள் கூறுகின்றன.
காங்கிரஸ் தலைமையிலான ஐக்கிய முற்போக்குக் கூட்டணி 135 தொகுதிகளிலும், இதர கட்சிகள் 125 தொகுதிகளிலும் வெற்றி பெறும் என்று கூறப் படுகிறது.
தேர்தல் தொடங்க இன்னும் மூன்று வாரம் உள்ள நிலையில், நாட்டில் நிலவும் பிரசார பலம், அரசியல் சூழல் வேறு மாற்றங்களை ஏற்படுத்தக் கூடும் என்கிறார்கள்.
[poll id=”12″]
