ஆச்சு.. இப்போ தமிழிலும் பிக்பாஸ் சீஸன் 3 தொடங்கியாச்சு! ஆனா இந்த நியூஸு தெலுங்கு பிக்பாஸ் பற்றியது.
பிக்பாஸ் 3 தெலுங்கில் தொகுத்து வழங்கும் தலைவர் நாகார்ஜுனா அக்கினேனியின் ஒரு எபிசோட் ரேட்டு, பலரது புருவத்தையும் உயர்த்தியுள்ளது.
பிக்பாஸ் 3 தொடங்குவதற்கு இன்னும் சில வாரங்களே உள்ள நிலையில், பிக்பாஸ்-3 விவகாரம் அதற்குள் சலசலப்பை ஏற்படுத்தியுள்ளது.
அண்மையில் வெளியான ப்ரமோ மூலம் நாகார்ஜுனா இந்த சீசனில் தலைவராக தலைகாட்டுவார் என்று உறுதி செய்யப் பட்டிருக்கிறது. லேட்டஸ்ட் ரிப்போர்ட் படி நாகார்ஜுனா ஒரு எபிசோடுக்கு 12 லட்ச ரூபாய் கேட்கிறாராம்.
வரப் போகும் பிக்பாஸ் சீஸன்-3 150 நாட்களுக்கு குறையாமல் நடக்கப்போகிறது.
இதில் ஹோஸ்ட்டாக தலை காட்டும் நாகார்ஜுனா, வாரக் கடைசி நாட்களில் மட்டுமே வருவார்.
மேலும் பிக்பாஸ் வீடும் கூட, நாகார்ஜுனாவின் அன்னபூர்ணா ஸ்டூடியோவைச் சேர்ந்த அன்னபூர்ணா (ஏழு ஏக்கர்) வளாகத்தில் அமைக்கப் பட்டுள்ளது.
நாகார்ஜுனா “மீலோ எவரு கோடீஸ்வருடு”வுக்கு ரூ. 7 லட்சம் வாங்கினாராம். இது அமிதாப்பச்சன் ஹிந்தியில் செய்த ‘கோன் பனேகா கரோர்பதி’யின் தெலுகு வெர்ஷன்.
நாகார்ஜுனா இரண்டு சீசன் செய்த பின்னர், அது சிரஞ்சீவிக்கு கைமாறியது. நாகார்ஜுனா சற்று கறாரான பிஸினஸ் மேன் என்று அறியப் படுபவர். எனவே இந்த ஆஃபரை அவர் அவ்வளவு எளிதில் இழக்கமாட்டார் என்கிறார்கள்.
சல்மான்கான் ஹிந்தி பிக்பாஸில் தலைவராக தலை காட்ட ஒரு எபிசோடுக்கு 13 கோடி ரூபாய் வாங்குகிறாராம்!
