படப்பிடிப்புக்கு வெளியூர் சென்றால், தன்னை வெளிக்காட்டிக் கொள்ளாமல் வேலையை முடித்து திரும்புவதே அஜித்தின் வழக்கம்.
வலிமை படத்தின் படப்பிடிப்புக்காக ரஷ்யா சென்ற போது, தனது வழக்கத்தை அஜித் மாற்றிக் கொண்டார்.
வலிமை படத்தின் சண்டைக் காட்சி ஒன்றை படமாக்க அஜித் உள்ளிட்டவர்கள் மாஸ்கோ சென்றனர்.
சண்டைக் காட்சி எடுக்கப்பட்ட பின், பைக்கில் நெடுந்தொலைவு பயணம் மேற்கொண்டார் அஜித்.
அப்போது அவர் எடுத்துக் கொண்ட புகைப்படங்கள் இணையத்தில் வைரலாயின.
இப்போது மேலும் பல புதிய புகைப்படங்கள் வெளியாகி உள்ளன. தனியாக அவர் உணவருந்துவது, இரண்டு பைக்குகள் நடுவில் நின்றிருப்பது என பல புதிய புகைப்படங்கள் வெளியாகி உள்ளன.
அஜித் இந்த பயணத்தின் போது ஏழு கண்டங்களில் 64 நாடுகளை தனியாக பைக்கில் வலம் வந்த பிரபல பைக்கர் Maral Yazarloo ஐ சந்தித்தார். அந்தப் புகைப்படங்களும் வைரலாயின.
மாஸ்கோ பயணத்தில் பிரபல பைக்கர்கள் பலர் அஜித்துக்கு நண்பர்களாக கிடைத்துள்ளனர்.
இந்தியா திரும்பிய அவர் தாஜ்மஹால் முன்பு எடுத்துக் கொண்ட புகைப்படமும் தற்போது வைரலாகி வருகிறது.
வலிமை படம் தீபாவளிக்கு எதிர்பார்க்கப்பட்ட நிலையில், 2022 ஜனவரி பொங்கலை முன்னிட்டு படம் வெளியாகும் என போனி கபூர் அறிவித்தது ரசிகர்களுக்கு ஏமாற்றமே.
இந்நிலையில் அடுத்தவர்களுக்காக தன்னை மாற்றிக் கொள்ளாமல் உண்மையாக இருக்கும் அஜித், நல்லவற்றை ஈகோ இன்றி முன்வந்து பாராட்டும் அஜித், சமீபத்தில் வெளியான, உண்மையை உரக்கச் சொல்லும் ருத்ரதாண்டவம் படத்தைக் கண்டு பாராட்டி அந்த டீம் உடன் எடுத்துக் கொண்ட படம் வைரலாகிறது.
ஷாலினியும் இயக்குநர் மற்றும் இப்படத்தின் ஹீரோவுடன் எடுத்த புகைப்படமும் வைரலாகிறது.
