மக்கள் நல கூட்டு இயக்கத்தில் தேமுதிக கட்சி தலைவர் விஜயகாந்த் : வைகோ

சற்றுமுன்
 
 
 
மக்கள் நல கூட்டு இயக்கம் தேர்தல் கூட்டணியாக செயல்படும் என்று அதன் தலைவர்கள் கூட்டாக அறிவித்துள்ளனர். சென்னையில் மக்கள் நல கூட்டு இயக்கத்தின் ஆலோசனை கூட்டம் மதிமுக தலைமையகமான தாயகத்தில் இன்று நடைபெற்றது.
 
இதில் மதிமுக கொதுச்செயலாளர் வைகோ, விடுதலை சிறுத்தைகள் கட்சி தலைவர் தொல்.திருமாவளவன், இந்திய கம்யூனிஸ்ட் மாநில செயலாளர் முத்தரசன், மார்க்சிஸ்ட் மாநில செயலாளர் ஜி.ராமகிருஷணன் ஆகியோர் கலந்து கொண்டனர்.
 
அப்போது மக்கள் நல கூட்டு இயக்கத்தின் 24 அம்ச குறைந்தபட்ச செயல்திட்ட அறிக்கை வெளியிடப்பட்டது. பின்னர் செய்தியாளர்களிடம் பேசிய வைகோ ஒத்த கருத்துடைய கட்சிகள் தங்கள் கூட்டணியில் இணையலாம் என்றார். அதிமுக, திமுக, காங்கிரஸ், பாஜக, பாமக ஆகிய கட்சிகளுடன் கூட்டணி கிடையாது என அவர் தெரிவித்தார்.
 
கூட்டணியில் விஜயகாந்த் தலைமையிலான தேமுதிக இணையும் என அவர் நம்பிக்கை தெரிவித்தார். தேர்தலுக்கு பிறகும் மக்கள் நல கூட்டு இயக்கம் தொடர்ந்து செயல்படும் என்று அவர் தெரிவித்தார். விலைவாசியை கட்டுபடுத்த தவறிய மத்திய, மாநில அரசுகளை கண்டித்து கூட்டு இயக்கம் சார்பில் மாவட்ட தலைநகரங்களில் நாளை ஆர்பாட்டம் நடைபெறும் என்றும் வைகோ கூறியுள்ளார்.

Posts by செங்கோட்டை ஸ்ரீராம்:

ALSO READ:  இந்து வணிகர் தின விழா கொண்டாட்டம்!
செங்கோட்டை ஸ்ரீராம்

பத்திரிகையாளர், எழுத்தாளர். | தமிழ் தினசரி இணைய நிறுவுனர், ஆசிரியர் | விஜயபாரதம் இதழில் உதவி ஆசிரியர், மஞ்சரி டைஜஸ்ட், விகடன் பிரசுரம், சக்தி விகடன், கல்கியின் தீபம் இதழ்களில் பொறுப்பாசிரியராகப் பணி புரிந்தவர். | தினமணி இணையம் (dinamani.com), Asianet News Tamil ஆகியவற்றில் செய்தி ஆசிரியராக பணியாற்றியவர். | வானொலி ஆர்.ஜே., பொதிகை தொலைக்காட்சியில் செய்தி அலசல் நேரலை நிகழ்ச்சி என ஊடகத் துறையின் பல்வேறு தளங்களிலும் பணியாற்றியவர். | இவரது இதழியல் பணிக்காக, கோல்கத்தா பாரதிய பாஷா பரிஷத் அமைப்பு ‘யுவ புரஸ்கார்-08 தேசிய இலக்கிய விருது’ வழங்கியுள்ளது. |

https://www.dhinasari.com