அக்னி நட்சத்திரம் இன்று துவக்கம்

சென்னை: சுட்டெரிக்கும் கடுமையான வெயிலுடன் தகிக்கும் அக்னி நட்சத்திர காலம் இன்று துவங்கியது. நிராயண முறையில் சூரியன் 20 டிகிரி அதாவது பரணி 3 ஆம் பாதம் முதல் 43 டிகிரி 20 செக., அதாவது ரோஹிணி முதல் பாதம் முடிய பயணிக்கும் காலம் அக்னி நட்சத்திர காலம் எனப்படுகிறது. அதுபோல், அக்னி நட்சத்திர காலத்தின் இடையே 26 டிகிரி 40 செக., முதல் 40 டிகிரி வரை கார்த்திகை நட்சத்திரத்தின் வழியே சூரியன் பயணிக்கும் காலம் மிக அதிக வெப்ப காலமான கத்திரிக் காலம் ஆகும்., அக்னி நட்சத்திர இன்று மே 5ஆம் தேதி 2.23க்கு துவங்கியது. கத்திரி மே 11ஆம் தேதி 23.47க்கு துவங்குகிறது. மே 25 ஆம் தேதி 19.54க்கு முடிகிறது. அக்னி நட்சத்திரம் மே 29ஆம் தேதி 7.14க்கு நிறைவடைகிறது.