அக்காவுக்கு ஓட்டு கேட்கச்சொன்னா… இவன் அந்த அக்காவையே “சைட்” அடிச்சிருக்கான்யா? – இதுதான் உதயநிதி குறித்த இன்றைய சமூக வலைத்தள கமெண்ட்.

காரணம், உதயநிதி ஸ்டாலின் இன்று தென்சென்னை தொகுதி திமுக., வேட்பாளராகப் போட்டியிடும் தமிழச்சி தங்கபாண்டியனுக்கு ஆதரவாக வாக்கு சேகரிக்கும் போது, உதிர்த்த வாசகங்கள்தான்.!

அழகான வேட்பாளரை உங்கள் தொகுதி பிரதிநிதி ஆக்கத் தவறிவிடாதீர்கள் என்று திமுக வேட்பாளர் தமிழச்சி தங்கபாண்டியனுக்காக பிரசாரம் செய்தார் உதயநிதி ஸ்டாலின்!

மக்களவைத் தேர்தலில் திமுக சார்பில் தென் சென்னை தொகுதியில் போட்டியிடுகிறார் கவிஞரும் எழுத்தாளருமான தமிழச்சி தங்கபாண்டியன். அவருக்காக திமுக தலைவர் ஸ்டாலினின் மகனும் நடிகருமான உதயநிதி சைதாப்பேட்டையில் பிரசாரம் மேற்கொண்டார்.

அப்போது அவர்… தென் சென்னை வாக்காளப் பெருமக்களைக் கேட்டுக் கொள்கிறேன், இவ்வளவு அழகான வேட்பாளரை உங்களின் பிரதிநிதியாக அனுப்பத் தவறி விடாதீர்கள். நான் அழகு என்றது அவருடைய தோற்றத்தை மட்டுமல்ல, அழகுத் தமிழ், தமிழ் மீது அவர் கொண்டுள்ள பற்று… மக்களுக்கு நல்லது செய்ய வேண்டும் என்ற கொள்கை ஆகியவற்றையும் சேர்த்துச் சொல்கிறேன் என்று கூறினார்.

உதயநிதி புகழ்ச்சியுடன் பேசியதை தமிழச்சி தங்கபாண்டியன் சிரித்துக்கொண்டே கேட்டுக் கொண்டு… வெட்கத்தால் தலை குனிந்தார். இந்தக் காட்சிகள் அடங்கிய வீடியோ பதிவு இப்போது இணையத்தில் வைரலாகி வருகிறது.

உதயநிதியின் இந்தப் பேச்சுக்குத்தான் இப்போது கருத்துகள் கிண்டலும் கேலியுமாக இணையதளங்களில் அவிழ்த்து விடப் படுகின்றன. அண்மையில் 60 ஆம் கல்யாணம் நடத்திக் கொண்டார் தமிழச்சி தங்கபாண்டியன்.

பாரம்பரிய இந்து முறைப்படி, வைதீக முறையில் 60 ஆம் கல்யாணம் நடத்திக் கொண்ட தமிழச்சி தங்கபாண்டியன் தோற்றத்தை பொதுவெளியில் பிரசார மேடையில் புகழும் உதயநிதி, திமுக., திக., திராவிட பாரம்பரியத்துக்கு தப்பாமல் பிறந்த வாரிசு என்று புகழ்ந்து தள்ளுகிறார்கள் சமூக வலைத்தளங்களில்!

Donate with
Support us! We are in the path of protecting our Hindu dharma and our Nation! Please consider supporting us to run this for our 'Dharma'.
Loading...