எஸ்.பி.ஐ., வீட்டுக் கடன் வட்டிக் குறைப்பு: இன்று முதல் அமல்

சென்னை : நாட்டின் மிகப் பெரிய பொதுத் துறை வங்கியான பாரத ஸ்டேட் வங்கி, வீட்டுக் கடன் வட்டியை 0.25 % குறைத்துள்ளது. இது இன்று முதல் அமலுக்கு வருவதாக வங்கி வெளியிட்டுள்ள செய்திக் குறிப்பில் தெரிவிக்கப்பட்டுள்ளது. ஏற்கெனவே கடனுக்கான அடிப்படை வட்டியை கடந்த 10ம் தேதி பாரத ஸ்டேட் வங்கி 0.15 சதவீதம் குறைத்தது. இப்போதைய வீட்டுக் கடன் வட்டிக் குறைப்பு மூலம் பெண்கள் பெறும் வீட்டுக் கடனின் வட்டி 10.1% லிருந்து 9.85% ஆக இருக்கும் என தெரிவிக்கப்பட்டுள்ளது. மற்றவர்களுக்கு வட்டி விகிதம் 9.9 % ஆக இருக்கும் என்றும் எஸ்.பி.ஐ. அறிவித்துள்ளது. இதற்கு முன் HDFC வங்கி வீட்டுக் கடன் வட்டியை கால் சதவிகிதம் குறைத்தது.