கார்ன் ரொட்டி
தேவையானவை:
கோதுமை மாவு – 2 கப்,
ஸ்வீட் கார்ன் முத்துக்கள் – ஒரு கப்,
இஞ்சி – சிறு துண்டு (தோல் சீவவும்), பச்சை மிளகாய் – 2,
பொடியாக நறுக்கிய கொத்தமல்லித்தழை – 3 டேபிள்ஸ்பூன்,
எலுமிச்சைச் சாறு – சிறிதளவு,
எண்ணெய், நெய், உப்பு – தேவையான அளவு.
செய்முறை:
ஸ்வீட் கார்ன் முத்துக்கள், இஞ்சி, பச்சை மிளகாய், கொத்தமல்லித்தழை ஆகியவற்றை மிக்ஸியில் போட்டு தண்ணீர் தெளித்து கொரகொரவென்று அரைத்துக்கொள்ளவும். கோதுமை மாவுடன் அரைத்த ஸ்வீட் கார்ன் விழுது, உப்பு, நெய், எலுமிச்சைச் சாறு, தேவையான நீர் சேர்த்து நன்கு பிசைந்து, சப்பாத்திகளாக தேய்த்து, எண்ணெய் விட்டு சுட்டெடுக்கவும்.
