சிவபிரதோஷம்
“ஆதி அந்த மூலன்”
(மீ.விசுவநாதன்)
சாதி மதங்கள் இல்லான்
பஞ்ச பூத நல்லான்
பாதி உமைக்குத் தந்தான்
பரம ஞான வள்ளல் !
நாதி நமக்கு என்றும்
நமச்சி வாய மாக
ஆதி அந்த மூலன்
ஆட்சி செய்யு கின்றான் !
தீமை நன்மை ரெண்டும்
தெரிந்து வைத்துக் கொண்டு
தீது செய்து விட்டால்
தெருவில் பிச்சை ஏற்கும்
சேதி சொன்ன காசி
சிவனின் நியாயம் பேசும் !
சோதி ரூபன் நாமம்
சூது வாதை வெல்லும்!
நீற ணிந்த பேர்க்கு
நீரின் குமிழி வாழ்வைக்
கூறும் கதையைக் காட்டி
குற்றங் களையச் செய்வான் !
ஆறு தலையில் கொண்டோன்
அடியைப் பற்று வோர்க்கு
ஆறு தலைய ளிக்கும்
அம்மை அப்ப(ன்) ஆவான்.
(இன்று (26.03. 2021 ) பிரதோஷம்)
