பெங்களுரில் இன்று நடந்து வரும் ஐபிஎல் ஏலத்தில் புனே அணி பீட்டர்சனை 3.5 கோடிக்கு ஏலம் எடுத்தது. இதே அணி இஷாந்த் ஷர்மாவை 3.8 கோடிக்கு ஏலம் எடுத்தது. ஆரோன் பிஞ்சை யாரும் ஏலம் எடுக்கவில்லை. ஷேன் வாட்சனை ரூ.9.5 கோடிக்கு ராயல் சேலஞ்சர்ஸ் பெங்களூரு  ஏலம் எடுத்தது. ஆசிஷ் நெஹ்ராவை ரூ.5.5 கோடிக்கு சன்ரைசர்ஸ் ஐதராபாத் அணி ஏலம் எடுத்தது. அதே அணி யுவராஜ் சிங்கை ரூ.7 கோடிக்கு ஏலம் எடுத்தது. 

டேல் ஸ்டெயினை 2.3 கோடி ரூபாய்க்கு குஜராத் லயன்ஸ் அணியும், சஞ்சு சாம்சனை 4.2 கோடி ரூபாய்க்கு டெல்லி டேர்டெவில்ஸ் அணியும்  ஏலம் எடுத்தன.  ஹசிம் ஆம்லா, ரூசோவ், புஜரா, மைக் ஹசி மற்றும் ஜெயவர்த்தனே, ஜார்ஜ் பெய்லி, பத்திரிநாத் ஆகியோரை   எந்த அணியும் ஏலம் எடுக்கவில்லை

9-ஆவது சீசன் ஐபிஎல் போட்டிக்கான வீரர்கள் ஏலம் பெங்களூரில் இன்று நடைபெறுகிறது. ஏலப்பட்டியலில் 351 வீரர்கள் இடம்பெற்றுள்ளனர். இதில் 230 பேர் இந்தியர்கள். இதிலிருந்து 116 பேர் தேர்வு செய்யப்படவுள்ளனர் என்பது குறிப்பிடத்தக்கது. 

புது தில்லி:

குஜராத் மாநிலம் நவ்சரியில் ஆற்றில் பஸ் கவிழ்ந்து மூழ்கி விபத்து ஏற்பட்டதில் 37 பேர் உயிரிழந்தனர். இந்த விபத்தில் உயிரிழந்தவர் குடும்பங்களுக்கு தனது ஆழ்ந்த இரங்கலை மோடி  தெரிவித்துள்ளார். இது குறித்து அவர் தனது டிவிட்டர் பக்கத்தில், அவர்கள் விரைவில் இந்த துயரச் சம்பவத்தில் இருந்து வெளிவர பிரார்த்திப்பதாகக் கூறியுள்ளார்.

Bus accident in Gujarat’s Navsari is tragic & deeply upsetting. Condolences to families of the deceased. May the injured recover quickly.

— Narendra Modi (@narendramodi) February 5, 2016

சட்டசபைத் தேர்தல் நடைபெறவுள்ள அசாம் மாநிலத்துக்கு பிரதமர் மோடி நேற்று பயணம் மேற்கொண்டார். அங்கே திப்ரூகர் நகரில் ரூ.10 ஆயிரம் கோடி செலவில் பிளாஸ்டிக் மற்றும் மெழுகுப் பொருட்கள் தயாரிப்பதற்கான 2 பெட்ரோகெமிக்கல் தொழிற்சாலைகளை அவர் தொடங்கி வைத்தார்.

அந்த விழாவில்  மோடி பேசும்போது…

இந்த 2 ஆலைகளையும் மாநிலத்தில் வேலைவாய்ப்பு இல்லாத இளைஞர்கள் தங்களுக்கு கிடைத்த மிகப்பெரிய வாய்ப்பாக எடுத்துக் கொள்ள வேண்டும். இந்த தொழிற்சாலைகளுக்கு ஏற்ற வகையில் இங்கு இன்னும் பல சிறிய தொழிற்சாலைகள் அமைக்கப்பட்டால் அது இயற்கை வளத்தை மதிப்படையச் செய்வதுடன் வேலைவாய்ப்பையும் அதிகரிக்கச் செய்யும்.

ஒடிசா, உத்தரப் பிரதேசம், மேற்கு வங்காளம், பீகார், அசாம் மற்றும் வடகிழக்கு மாநிலங்கள் வளர்ச்சி அடைய வேண்டும் என்பதில் மத்திய அரசு கூடுதல் கவனம் செலுத்தி வருகிறது. கிழக்கு மாநிலங்கள் வளர்ச்சி பெறாவிட்டால் இந்தியாவின் முன்னேற்றம் முழுமை அடையாது. இதற்காக அண்டை நாடுகளான மியான்மர், தாய்லாந்து, இந்தோனேஷியா ஆகியவற்றுடன் நமது கிழக்கு மாநிலங்களும் பயன் அடையும் வகையில் ‘கிழக்கு கொள்கை’ என்னும் திட்டத்தை மத்திய அரசு வகுத்து உள்ளது என்று அவர் பேசினார்.

For BJP, pride of Assam & wellbeing of Assam’s people is paramount. BJP will  take Assam to new heights of progress. https://t.co/BZ91gMgZ2X

— Narendra Modi (@narendramodi) February 5, 2016

திப்ரூகர்:
சட்டசபைத் தேர்தல் நடைபெறவுள்ள அசாம் மாநிலத்துக்கு பிரதமர் மோடி நேற்று பயணம் மேற்கொண்டார். அங்கே  மொரான் என்ற இடத்தில் நடந்த தேர்தல் பிரசாரக் கூட்டத்தில் மோடி பேசும்போது சோனியாவும், ராகுல் காந்தியும் நாடாளுமன்றத்தை முடக்குவதாக  அவர்களின் பெயர்களைக் குறிப்பிடாமல், மறைமுகமாக குற்றம் சாட்டிப் பேசினார்.

அந்தக் கூட்டத்தில் அவர் பேசியபோது..
ஒரு குடும்பத்தினர் மட்டும் நாட்டில் எதிர்மறை அரசியலை நடத்துகின்றனர். நாடாளுமன்றத்தில் காங்கிரஸ் தவிர வேறு கட்சிகளின் தலைவர்களும் இருக்கின்றனர். அவர்கள் மோடிக்கு எதிராக செயல்பட்டாலும்கூட நாடாளுமன்றம் இயங்க வேண்டும் என்றும், நாடாளுமன்ற அலுவல்கள் நடைபெற வேண்டும் எனவும் விரும்புகிறார்கள். ஆனால், கடந்த நாடாளுமன்ற தேர்தலில் (2014) தோல்வி அடைந்து, 400 பேரில் இருந்து 40 பேராகக் குறைந்து போனவர்கள் மோடியை பணியாற்ற விடாமல் தடுக்கின்றனர். அவர்கள் நாடாளுமன்ற மாநிலங்களவையில் தடைகளையும், இடையூறுகளையும் ஏற்படுத்த திட்டமிட்டுள்ளனர்.

அந்த சதித் திட்டத்தில் தொடர்ந்து அவர்கள் செயல்பட்டுக் கொண்டு இருக்கின்றனர். தேர்தலில் அடைந்த தோல்விக்காக மக்களை பழிவாங்கவே இவ்வாறு செய்கின்றனர்.

தொழிலாளர்கள் பயன்பெறும் விதமாக கொண்டு வரப்பட்டுள்ள போனஸ் உச்சவரம்பு அதிகரிப்பு சட்ட மசோதா, பிரம்மபுத்திராவில் போக்குவரத்து தொடர்பான மசோதா போன்ற பல முக்கியமான மசோதாக்களை அந்தக் குடும்பம் நிறைவேற்ற விடாமல் தடுக்கிறது.

இதுபோல எதிர்மறை மற்றும் முட்டுக்கட்டை போடும் அரசியலில் யாராவது ஈடுபடுவார்களேயானால் இது அவர்களுக்கும் பயன் அளிக்காது, நாட்டுக்கும் நன்மை கிடைக்காது.

மாநிலத்தில் பல கட்சிகள் ஆட்சி அமைக்க நீங்கள் ஆதரவு அளித்து இருக்கிறீர்கள். அசாமின் கனவுகள் நனவாக வரும் சட்டசபை தேர்தலில் பா.ஜனதாவுக்கு ஒரு வாய்ப்பைக் கொடுங்கள்.  அசாமில் பா.ஜ., ஆட்சிக்கு வந்தால் மக்களின் வாழ்க்கைத் தரத்தில் நிச்சயம் நல்ல மாற்றம் ஏற்படும் என்று பேசினார்.

புது தில்லி:
நாடு முழுவதும் ஐ.எஸ். பயங்கரவாத இயக்க ஆதரவாளர்கள் 15 பேர் கைது செய்யப்பட்டுள்ளனர்.

உலகம் முழுவதும் ஐ.எஸ். பயங்கரவாத இயக்கத்தைச் சேர்ந்தவர்கள், பயங்கரவாதச் செயல்களில் ஈடுபட்டு வருவதுடன், பயங்கரவாதத்தை ஊக்குவிக்கும் வகையில் மிகவும் ரகசியமாக செயல்பட்டு வருவது அண்மைக் கால சம்பவங்களால் உலகத்துக்குத் தெரியவந்துள்ளது. இதனால், ஐ.எஸ். பயங்கரவாத இயக்கத்திற்கு பல்வேறு நாடுகள் தடை விதித்து வருகின்றன.
 
குறிப்பாக, இந்த இயக்கத்திற்கு பணம் சேர்க்கவே பல்வேறு நாடுகளில் இருந்து அப்பாவி இளைஞர்களை மூளைச் சலவை செய்து அவர்களுக்கு ரகசியமாகப் பயிற்சியும் கொடுத்து வருகின்றனர். இவ்வாறு ஐ.எஸ். பயங்கரவாத இயக்க ஆதரவாளர்கள் சுமார் 15 பேரை நாடு முழுவதும் போலீசார் கைது செய்துள்ளனர்.
 
தில்லி சிறப்பு போலீசார் நேற்று முன்தினம் இரவு மேலும் ஒருவரை கைது செய்தனர்.  இதில், இப்ராகிம் சையது (28) என்பவனை ரகசிய தகவலின் பேரில் கைது செய்த போலீசார், அவனிடம் தீவிர விசாரணை நடத்தியதில், இவன் இந்தியாவில் தாக்குதல் நடத்திய 4 பயங்கரவாதிகளுக்கு ரூ.50 ஆயிரம் வழங்கியுள்ளது தெரிய வந்துள்ளது. மேலும், ஐ.எஸ். இயக்கத்தில் சே்ந்து பணியாற்ற  சிரியா செல்ல திட்டமிட்டிருந்ததும் தெரிய வந்தது. அவனிடம் இருந்த ரூ.85 ஆயிரம் பணத்தையும் போலீசார் பறிமுதல் செய்தனர்.