சென்னை புழல் சிறையில் சிறை அதிகாரி குமார் மற்றும் வார்டன் மாரி ஆகியோரை கைதிகள் சிறைபிடித்து வைத்தனர்.

உயர் பாதுகாப்பு பகுதியில் இருந்த கைதிகள் தாக்குதல் நடத்தியதில் நான்கு பேர் காயமடைந்து மருத்துவமனையில் சிகிச்சை பெற்று வருவதாகவும் செய்திகள் தெரிவிக்கின்றன.

இந்நிலையில் உயர் அதிகாரிகள் நடத்தி பேச்சுவார்த்தையை அடுத்து கைதிகள் சிறை அதிகாரிகளை விடுவித்ததாக சிறை வட்டாரங்களில் இருந்து வரும் தகவல்கள் தெரிவிக்கின்றன.

மேற்கு வங்க மாநிலம் கோல்கட்டாவில் உள்ள பர்தாமான் என்ற இடத்தில் பள்ளி ஒன்றில் நாட்டு வெடிகுண்டு ஒன்று வெடித்தது. இந்த சம்பவத்தில் ஒருவர் பலியானார். 3 பள்ளிக்குழந்தைகள் படுகாயமடைந்து மருத்துவமனையில் சிகிச்சை பெற்று வருகின்றனர்.

திமுக பொருளாளர் ஸ்டாலின் நமக்கு நாமே திட்டத்தின் கீழ் மாநிலமெங்கும் சுற்றுப்பயணம் மேற்கொண்டுள்ளார்.இன்று மதுரை மாவட்டத்தின் பல்வேறு பகுதிகளில் பயணம் செய்து மக்களின் குறைகளை கேட்டறிந்தார்.

உலக அளவில் பேசப்படும் மதுரை மாவட்டத்தின் புறநகர் பகுதியான அலங்காநல்லூரில் மக்களை சந்தி்த்து குறைகளை
கேட்டபோது ஸ்டாலின் கூறுகையில் அப்பகுதி மக்களிடம் கூறுகையில் அலங்காநல்லூர் ஜல்லிக்கட்டுக்கு ஆபத்து வரும்போதெல்லாம் துணை நின்றது திமுக. ஜல்லிக்கட்டை முறைப்படுத் திமுக ஆட்சியில் சட்டம் கொண்டு வரப்பட்டது. ஜல்லிக்கட்டு முடங்கியதற்கு அதிமுக அரசே காரணம். திமுக ஆட்சி கொண்டு வந்தபடி சட்டப்படி ஜல்லிக்கட்டு நடத்தவில்லை.

ஜல்லிக்கட்டு மீதான தடையை நீக்காவிட்டால் போராட்டம் நடத்தப்படும். தை மாதத்திற்குள் ஜல்லிக்கட்டு தடையை நீக்க வேண்டும். அமைச்சர்களாலேயே முதல்வரை பார்க்க முடியவில்லை. அதிமுக ஆட்சியில் நிர்வாகம் ஸ்தமபித்துள்ளது. சட்டசபையில் ஜெயலலிதா, அறிவித்தபடி பல நூறுகோடி திட்டங்களில் ஒனறாவது நடந்துள்ளதா என கேள்வி எழுப்பினார். திமுக ஆட்சிக்கு வரும் என மக்களிடம் நம்பிக்கை அதிகரித்துள்ளது என ஸ்டாலின் நம்பிக்கையுடன் தெரிவித்துள்ளார்.

நேதாஜி சுபாஷ்சந்திர போசின் பேரன்களில் ஒருவரான சந்திரகுமார் போஸ் அவரின் உறவினர்களை சோனியா மற்றும் ராகுல் ஆகியோர் கூட்டு சேர்ந்து முன்னாள் பிரதமரை உளவு பார்க்க, நேரு உத்தரவிட்டதற்காக மன்னிப்பு கேட்க வேண்டும் என வலியுறுத்தியுள்ளார்.

திரிணமுல் காங்கிரஸ் கட்சியைச் சேர்ந்த, மேற்கு வங்க முதல்வர் மம்தா பானர்ஜி, சில நாட்களுக்கு முன், நேதாஜி தொடர்பாக, மேற்கு வங்க அரசு வசமிருந்த, 64 ஆவணங்களை வெளியிட்டார். அப்போது அவர் கூறும் போது, ‘இந்த ஆவணங்களைப் பார்க்கும் போது, நேதாஜியின் உறவினர்களை, காங்கிரஸ் கட்சியைச் சேர்ந்த, முன்னாள் பிரதமர் நேரு, பல ஆண்டுகளாக உளவு பார்க்க உத்தரவிட்டுள்ளது தெரிய வருகிறது’ என கூறினார்.

நேதாஜியின் பேரனான சந்திர குமார் போஸ், பத்திரிகை ஒன்றுக்கு அளித்துள்ள பேட்டியில் கூறியதாவது:

இந்திய அரசு கூறுவது போல, 1945 ஆகஸ்ட் 18ல், தைவானில் நடைபெற்ற விமான விபத்தில் நேதாஜி இறக்கவில்லை; அதன் பிறகு பல ஆண்டுகள் உயிருடன் வாழ்ந்து உள்ளார். எனினும், அவரால் இந்தியா வர முடியாத நிலை இருந்துள்ளது.

என் தந்தை அமியாநாத் போசை, அப்போதைய அரசு உளவு பார்த்து வந்துள்ளது. எங்கள் உறவினர்களின் கடிதப் போக்குவரத்துகள், வெளிநாட்டு சுற்றுப்பயணங்கள் ஆய்வு செய்யப்பட்டுள்ளன. பல ஆண்டுகளுக்கு இது தொடர்ந்து
உள்ளது.அப்போதைய பிரதமர் நேரு உத்தரவின் படியே இந்த நடவடிக்கைகள் மேற்கொள்ளப்பட்டுஉள்ளன.

செக் குடியரசு நாட்டைச் சேர்ந்த பெண்ணை நேதாஜி மணந்ததாகவும், அவர்களுக்கு, நிமா என்ற பெயரில் மகள் இருந்ததாகவும் வெளியாகும் செய்திகளில் உண்மைஇல்லை. மறுத்தால் இதற்கு, காங்கிரஸ் தலைவர் சோனியா, அவர் மகனும், துணைத் தலைவருமான ராகுல் மன்னிப்பு கேட்க வேண்டும். மறுத்தால், அந்த சதிச் செயலுக்கு அவர்களும் ஆதரவு அளிக்கின்றனர் என்பது அர்த்தமாகும் என சந்திரகுமார் போஸ் கூறியுள்ளார்.

தமிழை வழக்காடு மொழியாக மாற்றக்கோரி மதுரை ஐகோர்ட் கிளையில் 15 வழக்கறிஞர்கள் செப்டம்பர் 16ம் தேதி போராட்டம் நடத்தினர்.

இது தொடர்பாக நடவடிக்கை மேற்கொண்டுள்ள அகில் இந்திய பார் கவுன்சில், போராட்டத்தில் ஈடுபட்ட மதுரை வழக்கறிஞர்கள்சங்க தலைவர் தர்மராஜ், செயலாளர் ராமசாமி உள்ளிட்ட 15 வக்கீல் தொழில் செய்ய தடை அகில இந்திய பார்கவுன்சில் உத்தரவு. உள்ளிட்ட 15 பேர், வழக்கறிஞர்களாக பணியாற்ற இடைக்கால தடை விதித்துள்ளது.

இந்த நிலையில் வருகிற 28 ந்தேதி நீதி மன்றங்களை புறக்கணித்து தமிழ்நாடு – புதுச்சேரி முழுவதும் வழக்கறிஞர்கள் சங்க கூட்டமைப்பு போராட்டம் நடத்த அறிவித்துள்ளதாக கூறப்படுகிறது.

டில்லி ஆம்ஆத்மி கட்சி எம்.எல்.ஏ., சோம்நாத் பாரதிக்கு எதிராக அவரது மனைவி லிபிகா மித்ரா சமீபத்தில் போலீசிலும், பெண்கள் ஆணையத்திலும் குடும்ப வன்முறை புகார் அளித்தார்.

இதையடுத்து போலீசார் தன்னை கைது செய்யாமல் இருக்க விசாரணை கோர்ட்டில் சோம்நாத் பாரதி முன் ஜாமீன் கேட்டு மனுதாக்கல் செய்தார்.அதன் பேரில் சோம்நாத் பாரதி மீது டெல்லி போலீசார் வழக்கு பதிவு செய்து அவரை கைது செய்யும் நடவடிக்கையில் இறங்கினார்கள்.
இந்த மனு தள்ளுபடியானதால் டெல்லி ஐகோர்ட்டில் மனுதாக்கல் செய்தார். இந்த மனுவும் நேற்று முன்தினம் தள்ளுபடியானது. எனவே எந்த நேரத்திலும் அவர் கைது செய்யப்படும் நிலை ஏற்பட்டது.

எனவே கைதேர்ந்த குற்றவாளியை போன்று தலைமறைவாக இருந்த டில்லி ஆம்ஆத்மி கட்சி எம்.எல்.ஏ., சோம்நாத் பாரதியை டில்லி போலீசார் கைது செய்துள்ளதாக தகவல்கள் வெளியாகி உள்ளன. ஆக்ரா அருகே அவர் தலைமறைவாக இருந்ததாகவும் நேற்று கூறப்பட்டது. அவரை கைது செய்ய ஆக்ரா அருகே பல இடங்களில் டெல்லி காவல் துறையினர் பிடியில் சிக்கவில்லை.

இந்த நிலையில் அவரை கைது செய்ய டெல்லி போலீசார் இன்று அவரது இல்லத்திற்கு சென்றனர். எம்.எல்.ஏ., சோம்நாத் பாரதி வீட்டில் இல்லாததால் அவருடைய செல்ல நாய் ‘டான்வா-னை அழைத்து சென்றனர்.