சென்னை: ஆம் ஆத்மியினரின் முற்றுகைப் போராட்டத்தால் இதுவரை அமைதியாக இருந்த தமிழக முதல்வர் ஓ.பன்னீர்செல்வத்தின் வீட்டுக்கு இப்போது பலத்த பாதுகாப்பு போடப்பட்டுள்ளது. நெல்லையில் வேளாண் அதிகாரி முத்துகுமாரசாமி தற்கொலை வழக்கை சி.பி.ஐ.க்கு மாற்ற வலியுறுத்தி ராஜாஅண்ணாமலை புரத்தில் உள்ள முதல்– அமைச்சர் ஓ.பன்னீர்செல்வம் வீட்டு முன்பு நேற்று முற்றுகை போராட்டம் நடைபெற்றது. ஆம்ஆத்மி கட்சியினர் சார்பில் நடத்தப்பட்ட இந்த போராட்டத்தின் போது பாதுகாப்பு வளையத்தையும் மீறி போராட்டக்காரர்கள் அவரது வீட்டுக்குள் புகுந்தனர். இதனால் உயர் போலீஸ் அதகாரிகள் கடும் அதிர்ச்சியில் உள்ளனர். இதுகுறித்து விசாரணை நடத்தவும் உத்தரவிடப்பட்டுள்ளது. முதலமைச்சர் அந்தஸ்தில் இருப்பவர்களுக்கு இசட் பிரிவு பாதுகாப்பு வழங்கப்படும். இந்தப் பாதுகாப்பில் மாநில போலீசாரே ஈடுபடுவர். டி.எஸ்.பி. அந்தஸ்திலான அதிகாரி ஒருவர் பாதுகாப்பு பணியை மேற்கொள்வார். ஆனால், ஓ.பன்னீர்செல்வம் தனக்கு கூடுதல் பாதுகாப்பு எதுவும் வேண்டாம் என்று கேட்டுக் கொண்டதால் அவருக்கு வழக்கமான பாதுகாப்பே அளிக்கப்பட்டு வந்தது. இந்நிலையில், அவரது வீட்டு முன்பு தொடர்ந்து போராட்டங்கள் நடைபெறுவதால் தற்போது கூடுதல் பாதுகாப்பு அளிக்கப்பட்டுள்ளது.

ரஜினிகாந்தின் ‘லிங்கா’ படத்தின் பிரச்னை தற்போது முடிவுக்கு வந்து விட்டது. இவ்விவகாரத்தில் திடீர் திருப்பம் ஏற்பட்டு விநியோகஸ்தர்களுக்கு ஒரு தொகை ஒதுக்கப்பட்டு அந்த தொகை அவர்களுக்கு வழங்கப்பட்டது. இதுகுறித்து விநியோகஸ்தர்கள் தரப்பில் வெளியிட்டுள்ள அறிக்கையில் கூறியிருப்பதாவது, ” ஜவ்வு போல இழுத்துக் கொண்டே இருந்த இந்த பிரச்னையை முடிவுக்குக் கொண்டு வந்தவர்களில் முக்கியமானவர்கள் சரத்குமாரும், தாணுவும் தான். கலைக்குடும்பத்தில் கலகம் கூடாது என்று இவர்கள் எண்ணியதன் விளைவுதான் இந்தத் தீர்வு. 10 கோடி ரூபாய் பணத்தை தயாரிப்பாளரிடமிருந்து வாங்கி அதை விநியோகஸ்தர்களுக்கும் திரையரங்க உரிமையாளர்களூக்கும் பிரித்து கொடுக்க தாணு பட்ட சிரமங்களை அருகில் இருந்து பார்த்தபோது தான் திரைப்பட தயாரிப்பாளர் சங்கத்தலைவர் பதவி என்பது மலர் கீரிடம் அல்ல அது ஒரு முள் கிரீடம் என்பதை தெரிந்து கொண்டோம். இரண்டு நாட்களாக பல மணி நேரங்கள் நடந்த பேச்சுவார்த்தையில் படத்தின் தயாரிப்பாளர் ராக்லைன் வெங்கடேஷ் நடந்து கொண்ட விதமும், எங்களை உபசரித்த விதமும் கண்களை குளமாக்கிவிட்டன. வில்லுக்கு விஜயன் என்றால் விருந்தோம்பலுக்கு ராக்லைன் வெங்கடேஷ் என்று இலக்கியங்களை திருத்தியாக வேண்டும். அவரைப் போய் கன்னடர் என்று பிரித்து பேசிவிட்டோமே என்று மனம் கூனிக் குறுகிறது. பாதிக்கப்பட்ட விநியோகஸ்தர்களுக்கு நிவாரணமாக எதையாவது செய்து அவர்களை சந்தோஷப்படுத்துங்கள் எண்று ரஜினிகாந்த் தெரிவித்தவுடன் படத்தயாரிப்பாளர் ராக்லைன் வெங்கடேஷோடு சேர்ந்து தங்கள் பங்களிப்பாக சிறு தொகையையும் கொடுத்து விநியோகஸ்தர்களுக்கு, திரையரங்க உரிமையாளர்களுக்கும் இழப்பீடு வழங்க வேண்டிய வேந்தர் மூவிஸ் நிறுவனம் 10 கோடி ரூபாயில் பங்கு கேட்பது, “பிச்சை எடுத்துச்சாம் பெருமாளு அதையும் புடுங்குச்சாம் அனுமாரு” என்பதை ஞாபகப்படுத்துவது போல் இருக்கிறது. ஆட்டோவில் வந்திறங்கி இழப்பீடு பெறும் விநியோகஸ்தர்களிடம் ஆடி காரில் வந்து பங்கு கேட்பது தர்மமா என்பதை வேந்தர் மூவிஸ் தெளிவுபடுத்த வேண்டும். விநியோகஸ்தர்களுக்கு தோள் கொடுத்து சுமூகமாக தீர்க்க வேண்டிய பிரச்சினையை தொடர்பு எல்லைக்கு அப்பால் சென்று எரிகின்ற நெருப்பில் எண்ணெய் ஊற்றி பெரிதாக வளரவிட்டு பங்கு கேட்பது நியாயமாக இருக்க முடியாது. இரண்டு நாட்களாக நடந்த பேச்சுவார்த்தையில் தமிழ்த் திரைப்பட தயாரிப்பாளர் சங்கத்தின் செயலாளர் என்ற முறையில் நடுநிலையோடு பேசாமல் வேந்தர் மூவிஸ் நிர்வாகி என்ற முறையில் பேசும் சிவாவின் போக்கு சரியானது அல்ல. மார்ச் 23 திங்கட்கிழமை அன்று நடைபெற இருக்கின்ற இறுதிக்கட்ட பேச்சுவார்த்தையில் சிவா வேந்தர் மூவிஸ் நிர்வாகியாக கலந்து கொண்டால் தமிழ்த்திரைப்பட தயாரிப்பாளர் சங்க செயலாளர் பதவியை ராஜினாமா செய்துவிட்டு கலந்து கொள்ள வேண்டும். தமிழ்த் திரைப்பட தயாரிப்பாளர் சங்க செயலாளராக கலந்து கொண்டால் வேந்தர் மூவிஸ் பற்றி வாய் திறக்க கூடாது என்பதை எச்சரிக்கை கலந்த வேண்டுகோளாக வைக்கிறேன். அதையும் மீறி கலந்து கொண்டால் அதை பேச்சுவார்த்தையில் ‘லிங்கா’ திரைப்பட விநியோகஸ்தர்கள் கலந்து கொள்ள மாட்டார்கள் என்பதை தெரிவித்துக் கொள்கிறேன். இரண்டு நாட்களாக நடந்துவரும் பேச்சுவார்த்தையில் தலைவர் தாணுவை இழிவுபடுத்தும் நோக்கத்தில் செயல்பட்டுவிட்டு, தொடர்ந்து அவர் பற்றி அவதூறு பரப்புவதை சிவா நிறுத்தி கொள்ள வேண்டும். மூன்று வருடங்களுக்கு முன்பு ‘அரவான்’ என்ற பெயரில் படத்தை தயாரித்து அதன் மூலம் விநியோகஸ்தர்களுக்கும் திரையரங்க உரிமையாளர்களூக்கும் கொடுக்க வேண்டிய இழப்பு தொகையை கொடுக்காமல் இழுத்தடிக்கும் சிவா நீதி, நியாயம் பற்றி பேசுவதை சகித்துக் கொள்ள இயலவில்லை. ‘அரவான்’ படத்தில் இழப்பை சந்தித்த பின்பு சொத்துக்களை வாங்கி குவிக்கும் சிவாவுக்கு வருமானம் எங்கிருந்து வருகிறது என்பதை தொல்பொருள் ஆராய்ச்சியாளர்கள் தோண்ட வேண்டும். மார்ச் 23 திங்கட்கிழமை அன்று திரையரங்க உரிமையாளர்களுடன் நடக்கும் பேச்சுவார்த்தை சுமூகமாக முடியும் என்ற நம்பிக்கை இருக்கிறது. ஜாம்பவான்களான அருள்பதி, திருப்பூர் சுப்ரமணி ஆகியோரோடு முன்னணி விநியோகஸ்தர்கள், திரையரங்க உரிமையாளர்கள், தயாரிப்பாளர் சங்க நிர்வாகிகள் கலந்து கொள்வதால் அன்றைய தினமே பிரச்சினை தீர்க்கப்படும் என்ற நம்பிக்கை தெரிகிறது. முதல்கட்டமாக வைப்புத் தொகை திருப்பித் தரப்படும் என்று தெரிகிறது. மினிமம் கியாரண்டி அடிப்படையில் திரையிட்டவர்களுக்கு எங்களால் இயன்ற நிவாரணத்தை எதிர்காலத்தில் வழங்குவோம் என்ற உத்தரவாதத்தை வைக்க கடமைப்பட்டுள்ளேன். எல்லா விநியோகஸ்தர்களுக்கும் தொடர்ச்சியாக படங்களை வெளியிட இருப்பதால், திரையரங்க உரிமையாளர்கள் அச்சம் கொள்ளத் தேவையில்லை என்பதை தெளிவுப்படுத்த விரும்புகிறேன். தோல்வியால் விரக்தியில் இருந்த எங்களுக்கு தன்னம்பிக்கை ஊட்டி சிறு தொகையையும் வியாபார முதலீடாக கொடுத்த ராக்லைன் வெங்கடேஷுக்கும், விநியோகஸ்தர்களே சினிமா வியாபாரத்தின் முதுகெலும்பு என்பதை எடுத்துரைத்து எங்களுக்கு இழப்பீடு கிடைக்க செய்த கலைப்புலி தாணுவுக்கும் நன்றியை தெரிவித்துக் கொள்கிறேன்.” என கூறப்பட்டுள்ளது.

ஆசிரியர் தேர்வு வாரியத்தால் தேர்வு செய்யப்பட்ட 1,789 முதுநிலைப் பட்டதாரி ஆசிரியர்களுக்கு மார்ச் 28-ஆம் தேதி பணி நியமன கலந்தாய்வு நடைபெறுகிறது.  இதுதொடர்பாக பள்ளிக் கல்வித்துறை வெளியிட்ட அறிவிப்பு: அரசு மேல்நிலைப் பள்ளிகளில் காலியாக உள்ள முதுநிலைப் பட்டதாரி ஆசிரியர் பணியிடங்களுக்கு, போட்டித் தேர்வு மூலம் தேர்வு செய்யப்பட்ட 1,789 பேருக்கான பணி நியமன கலந்தாய்வு இணையதளம் மூலமாக 28-ஆம் தேதி நடைபெறுகிறது. அந்தந்த மாவட்ட முதன்மைக் கல்வி அலுவலர் அலுவலகங்களில் இந்தக் கலந்தாய்வு நடத்தப்பட்டு பணி நியமன ஆணைகள் வழங்கப்பட உள்ளன. முதுகலைப் பட்டதாரி ஆசிரியர் நேரடி நியமனத்துக்கான கலந்தாய்வு ஆண்டு வாரியாக ஆசிரியர் தேர்வு வாரியத்தால் வழங்கப்பட்டுள்ள வரிசை எண் அடிப்படையில் நடத்தப்படும். முதலில் ஒவ்வொரு மாவட்டத்திலும் உள்ள காலிப் பணியிடங்களுக்கு அந்தந்த மாவட்டங்களிலிருந்து தேர்ந்தெடுக்கப்பட்டவர்களுக்கான கலந்தாய்வும், பின்னர் வேறு மாவட்டங்களில் பணிபுரிய விருப்பமுள்ளவர்களுக்கான கலந்தாய்வும் நடத்தப்படும். ஆசிரியர் தேர்வு வாரியத்தால் தேர்வு செய்யப்பட்ட பணி நாடுநர்கள் அனைவரும் தங்களது முகவரியில் குறிப்பிட்டுள்ள மாவட்டங்களில் உள்ள முதன்மைக் கல்வி அலுவலர் அலுவலகங்களில் நடைபெறும் கலந்தாய்வில் பங்கேற்க வேண்டும். கலந்தாய்வுக்கு வரும்போது ஆசிரியர் தேர்வு வாரியத்தால் வழங்கப்பட்ட தேர்வுக்கூட நுழைவுச்சீட்டு, இத்தேர்வில் தேர்ச்சி பெற்றதற்கான சான்று, அசல் கல்விச் சான்றிதழ்கள் உள்ளிட்டவற்றுடன் காலை 9.30 மணிக்கு வர வேண்டும் என தெரிவிக்கப்பட்டுள்ளது.

அம்பாசமுத்திரம்: தமிழக முதல்வர் ஜெயலலிதாவின் 67வது பிறந்தநாள் விழாவை முன்னிட்டு நெல்லை புறநகர் மாவட்ட அதிமுக சார்பில் 68 ஜோடிகளுக்கு அகஸ்தியர் பட்டியில் வைத்து தமிழக வீட்டு வசதி,மற்றும் வேளாண்மைதுறை அமைச்சர் வைத்திலிங்கம் தலைமையில் 68 ஜோடிகளுக்கு திருமணம் நடைப்பெற்றது.இந்நிகழ்வில் எராளமான அதிமுகவினர் கலந்துக் கொண்டனர்.

தூத்துக்குடி:தமிழக முன்னாள் முதல்வரும் அதிமுக பொது செயலாளருமான ஜெயலலிதாவின் 67வது பிறந்தநாளைமுன்னிட்டு தூத்துக்குடிமாவட்டஅதிமுக சார்பில் ஜெயலலிதா மீண்டும் முதலமைச்சராகவேண்டி தூத்துக்குடிமாவட்ட 9 நவதிருப்பதிஆலயங்களில் சிறப்புவிஷ்ணு சஹஸ்ரநாம புஷ்பாஞ்சலிபூஜை தூத்துக்குடிமாவட்டகழகசெயலாளரும் சுற்றுலாத்துறைஅமைச்சருமான எஸ்.பி.சண்முகநாதன் தலைமையில் நடைபெற்றது. பிறந்தநாள் சிறப்பு பூஜைகளும் மீண்டும் முதல்வராகவேண்டி ஸ்ரீவைகுண்டம் சட்டமன்றதொகுதியில் உள்ள 9 நவ திருப்பதிகோவில்களானஆழ்வார்திருநகரிஆதிநாதன்,திருக்களுர்வைத்தமாநிதிபெருமாள்,தென்திருப்பேரைமகரநெடுங்குழைக்காதர் இரட்டைநவதிருப்பதி 1 தேவர்பிரான் இரட்டைநவதிருப்பதி 2 அரவிந்தலோசனர் பெருங்குளம் மாயகூத்தபெருமாள் திருப்புளியங்குடிகாய்சினிவேந்தபெருமாள் நத்தம் விஜயலோசனபெருமாள் ஸ்ரீவைகுண்டம் கள்ளபிரான் சுவாமிஆகிய நவ திருப்பதிஎனும் 9 திவ்யதேசங்களில் தூத்துக்குடிமாவட்டஅதிமுக சார்பில் விஷ்ணு சஹஸ்ரநாம புஷ்பாஞ்சலிபூஜை நேற்றுமாலை 5 மணிக்கு தூத்துக்குடிமாவட்டகழகசெயலாளரும் சுற்றுலாத்துறைஅமைச்சருமான எஸ்.பி.சண்முகநாதன் தலைமையில் நடைபெற்றது. இந்தசிறப்புபிரார்த்தனையில் ஜி.வி.மார்க்கண்டேயன் எம்.எல்.ஏ ,வழக்கறிஞர்செல்வகுமார்,அரசுபோக்குவரத்துகழகம் அண்ணாதொழிற்சங்கநிர்வாகிகே.டிசி.அந்தோணி, மாவட்டஎம்.ஜி.ஆர் மன்ற இணைச்செயலாளர்சத்யாலெட்சுமணன் உட்படதிரளானகழகத்தினர்கலந்துக்கொண்டு அதிமுக பொது செயலாளர் ஜெயலலிதா மீண்டும் முதல்வராகவேண்டி பிரார்த்தணைசெய்தனர்.