சென்னை: நடிகர் அஜித் குமார் – ஷாலினி தம்பதிக்கு இன்று ஆண் குழந்தை பிறந்தது. இதற்கு அஜித் குமார் ரசிகர்கள் டிவிட்டரில் வாழ்த்து மழை பொழிந்து வருகின்றனர். குட்டி தல வந்தாச்சு, குட்டி தல அரைவ்ட், என்றெல்லாம் டிவிட்டரில் வாழ்த்துகள் குவிகின்றன. பல இடங்களில் பொதுமக்களுக்கு இனிப்புகளை வழங்கி, ரசிகர்கள் மகிழ்ச்சியை வெளிப்படுத்தினர். இதனிடையே, அஜித் குமார் மருத்துவமனையில் இருந்தபடி வாழ்த்துகளைப் பெற்றுக் கொண்டு, மருத்துவமனை பணியாளர்களுடன் இருக்கும் புகைப்படத்தை வெளியிட்டுள்ளார்.

Tuticorin #THALA Fans Celebrating D Arrival of #KuttyThala 🙂 pic.twitter.com/eacYgIFze3 — Mukesh khanna (@Mukesh3101) March 2, 2015

சென்னை: ஊதிய ஒப்பந்தம் உள்ளிட்டவை தொடர்பாக சென்னையில் இன்று முத்தரப்பு பேச்சுவார்த்தை துவங்கியது. இதில் கலந்து கொள்ள 42 போக்குவரத்து தொழிற்சங்கங்களுக்கு அழைப்பு விடுக்கப் பட்டுள்ளது. போக்குவரத்துக் கழக தொழிலாளர்களின் 12-வது ஊதிய ஒப்பந்த பிரச்சினைக்கு முறையாக பேச்சுவார்த்தை நடத்தி தீர்வு காண வலியுறுத்தி போக்குவரத்து தொழிலாளர்கள் அவ்வப்போது போராட்டம் நடத்தி வந்தனர். இந்நிலையில் கடந்த மாதம் 16-ந்தேதி சென்னை பல்லவன் சாலையில் உள்ள போக்குவரத்து பணிமனையில் நடந்த கூட்டத்தில், ‘12-வது ஊதிய ஒப்பந்த பேச்சுவார்த்தை நடத்தாவிடில் வருகிற மார்ச் 3-ந்தேதி அல்லது அதற்கு பின்னர் வேலை நிறுத்தம் செய்வது என்று தீர்மானிக்கப்பட்டது. இதையடுத்து மாநகர போக்குவரத்து கழக நிர்வாக இயக்குனர் ஆல்பர்ட் தினகரனிடம், வேலை நிறுத்தம் செய்வது தொடர்பான நோட்டீசும் அளிக்கப்பட்டது. இந்நிலையில் வேலை நிறுத்தம் அறிவிக்கப்பட்ட தேதிக்கு ஒருநாள் முன்பு, மார்ச் 2-ந்தேதி (அதாவது இன்று) 12-வது ஊதிய ஒப்பந்த பேச்சுவார்த்தை தொடங்குவது குறித்த முத்தரப்பு பேச்சுவார்த்தைக்கு தமிழக அரசு அழைப்பு விடுத்திருந்தது. இந்தப் பேச்சுவார்த்தையில் கலந்து கொள்ள போக்குவரத்து கழகங்களில் செயல்படும் 42 தொழிற்சங்கங்களுக்கு அழைப்பு விடுக்கப்பட்டது. அதன்படி சென்னை குரோம்பேட்டையில் உள்ள அரசு மாநகர போக்குவரத்துக் கழக பயிற்சி மையத்தில் இன்று முத்தரப்பு பேச்சுவார்த்தை தொடங்கியது. இதில் அரசு நிதித்துறை கூடுதல் செயலாளர் தலைமையில் குழுவினர், நிர்வாக தரப்பினர், தொழிற்சங்க பிரதிநிதிகள் உள்ளிட்டோர் கலந்துகொண்டுள்ளனர்.

சென்னை: சென்னை விமான நிலையத்தில் மும்பை செல்லும் விமானத்தில் பயணிக்கக் காத்தி ருந்த அமெரிக்க இளைஞர் ஒருவர் வைத்திருந்த சாட்டிலைட் போன் பறிமுதல் செய்யப்பட்டது. சென்னை விமான நிலையத்தில் இருந்து மும்பைக்கு செல்லும் விமானம் ஞாயிற்றுக்கிழமை கிளம்பத் தயாரானது. அப்போது அந்த விமானத்தில் பயணம் செய்பவர்களை அதிகாரிகள் சோதனை செய்தனர். அப்போது அமெரிக்காவைச் சேர்ந்த டேவிட் என்ற இளைஞரைச் சோதனை செய்த போது, அவரிடம் ஒரு சாட்டிலைட் போன் சிக்கியது. இது குறித்து அவரிடம் விசாரித்தபோது, தான் அமெரிக்காவில் சாட்டிலைட் போனை பயன்படுத்துவதாக அவர் தெரிவித்தார். இதையடுத்து அதிகாரிகள் டேவிட்டின் போனை பறிமுதல் செய்தனர். டேவிட்டுக்கு குற்றப் பின்னணி ஏதாவது உள்ளதா என்று போலீசார் விசாரணை நடத்தி வருகிறார்கள். இதனால் விமான நிலையத்தில் சிறிது நேரம் பரபரப்பு ஏற்பட்டது.

சென்னை: நடிகர் அஜித்குமார் – மனைவி ஷாலினி தம்பதிக்கு இன்று ஆண் குழந்தை பிறந்தது. இன்று காலை 4.30 மணி அளவில் ஷாலினி ஆண் குழந்தையைப் பெற்றெடுத்தார். அஜித் – ஷாலினி தம்பதிக்கு ஏற்கெனவே அனுஷ்கா என்ற பெண் உள்ளார். குழந்தை பிறந்த சில நிமிடங்களிலேயே டிவிட்டரில் #குட்டிதல என்ற ஹேஷ்டேகில் டிரெண்டாக தொடங்கியது. அஜித் குமாருக்கு ட்விட்டரில் வாழ்த்துகள் குவிந்த வண்ணம் உள்ளன.