இந்தியா ஆஸ்திரேலியா- இரண்டாவது ஒருநாள் போட்டி, விசாகப்பட்டினம், 19.03.2023
— முனைவர் கு.வை. பாலசுப்பிரமணியன் –
ஆஸ்திரேலிய அணி 11 ஓவர்களில் விக்கெட் இழப்பின்றி 121 (மார்ஷ் 66*, ஹெட் 51*) இந்தியா அணியை (26 ஓவரில் 117 ரன்னுக்கு ஆல் அவுட், கோஹ்லி 31, ஸ்டார்க் 5-53, அபோட் 3-23) 10 விக்கெட் வித்தியாசத்தில் வென்றது.
டாஸ் வென்ற ஆஸ்திரேலிய அணி முதலில் இந்திய அணியை மட்டையாடச் சொன்னது. ஸ்டார்க் திறமையாகப் பந்துவீசினார். அவரது பந்துகள் நன்றாக ஸ்விங் ஆனது; நல்ல கோணத்தில் அவர் பந்து வீசினார்.
இதனால் அவர் ஷுப்மான் கில், ரோஹித் ஷர்மா ஆகியோரை வெளியேறிச் செல்லும் பந்துகளை ட்ரைவ் செய்யத் தூண்டினார், இதனால் இருவரும் மலிவாக ஆட்டமிழந்தனர். கில் முதலில் வெளியேறினார், முதல் ஓவரிலேயே டக் அவுட் ஆனார், இஷான் கிஷானுக்குப் பதிலாக அணிக்குத் திரும்பிய ரோஹித் ஐந்தாவது ஓவரில் ஆட்டமிழந்தார். அவர் கால் திசையில் திருப்பிவிட்ட பந்துகள் மூலம் 13 ரன்கள் பெற்றிருந்தார்.
சூர்யகுமார் யாதவ் மும்பை ஒருநாள் போட்டியில் டக் ஆகியிருந்தார். இந்தப் போட்டியிலும் டக் அவுட் ஆனார். ஸ்டார்க் வீசிய வெளியே செல்லும் பந்தை ஆட முயன்ற போது மற்றொரு கோல்டன் டக்கிற்கு எல்பிடபிள்யூ ஆனார். KL ராகுலால் அதிக நேரம் நீடிக்க முடியவில்லை.
முந்தைய ஆட்டத்தில் அரை சதம் அடித்த இவர் ஸ்டார்க்கிடம் எல்பிடபிள்யூ முறையில் ஆட்டமிழந்தார். 4 விக்கெட்டுக்கு 48 ரன்கள் எடுத்திருந்த நிலையில், இந்தியாவுக்கு ஒரு நிலையான ஜோடியின் ஆட்டம் தேவைப்பட்டது, ஆனால் அது வரவில்லை. அபோட் வீசிய ஒரு பந்தில் ஹர்திக் பாண்டியா ஸ்டீவன் ஸ்மித் முதல் ஸ்லிப்பில் பிடித்த ஒரு அற்புதமான டைவிங் கேட்சால் ஆட்டமிழந்தார்.
விராட் கோலி மற்றும் ரவீந்திர ஜடேஜா ஆகியோர் இன்னிங்ஸை மீண்டும் எழுப்ப முயன்றனர், ஆனால் அவர்கள் இந்த முறை தோல்வியடைந்தனர். கோஹ்லி 31 ரன்களில் எல்லிஸிடம் எல்பிடபிள்யூ ஆனார், மேலும் களத்தில் முடிவை மறுபரிசீலனை செய்யவில்லை. எல்லிஸ் பின்னர் விக்கெட் கீப்பர் அலெக்ஸ் கேரியிடம் கேட்ச் கொடுத்து ஜதேஜாவும் ஆட்டமிழந்தார். 7 விக்கெட் இழப்புக்கு 91 ரன்கள் எடுத்திருந்த நிலையில், இந்திய அணி தடுமாற, கூட்டத்தினர் அமைதியாக இருந்தனர்.
அக்சர் படேலின் ஆட்டமிழக்காத 29 ரன்களால் இந்தியா மூன்று இலக்கங்களை எட்டியது. இந்தியா 100 ரன்களைக் கடந்தபோது குல்தீப் யாதவுடன் அவர் முதலில் கவனமாக இருந்தார். ஆனால் குல்தீப் மற்றும் முகமது ஷமி ஆகியோர் அபோட்டிடம் அடுத்தடுத்து வீழ்ந்தபோது, முடிவு விரைவில் வரும் என்பதை அக்சர் உணர்ந்தார்.
அவர் ஸ்டார்க்கை அடுத்தடுத்து சிக்ஸர்களுக்கு விளாசினார், 11-வது இடத்தில் இருக்கும் முகமது சிராஜ் ஸ்டார்க்கின் ஐந்தாவது பலியாக ஆனார். ஸ்டார்க் 53 ரன்களுக்கு 5 விக்கெட்டுகள், எடுத்து சாதனை செய்தார்.
பின்னர் ஆடவந்த ஆஸ்திரேலிய அணியின் தொடக்க வீரர்கள் மார்ஷ் மற்றும் ஹெட் ஆகியோருக்கு ஸ்கோர்போர்டு அழுத்தம் இல்லாமல் பேட்டிங் செய்தனர். மார்ஷ் 28 பந்துகளில் அரைசதம் விளாசினார், ஹெட் 29 பந்துகளில் 50ஐ எட்டினார். ஆஸ்திரேலியா 11 ஓவர்களில் வெற்றி இலக்கை எட்டியது.
ஒருநாள் தொடரின் மூன்றாவது போட்டி சென்னையில் புதன்கிழமை நடைபெற உள்ளது. தொடர் 1-1 என்ற கணக்கில் சமனில் உள்ளது, மூன்றாவது போட்டி தொடரின் வெற்றியை முடிவு செய்யும்.
