சிட்னி: நாளை இந்திய ஆஸ்திரேலிய அணிகளுக்கு இடையிலான அரையிறுதிப் போட்டி சிட்னியில் நடைபெறுகிறது. இந்தப் போட்டியில் இந்திய அணியை எப்படி எதிர்கொள்வது என்று தீவிர பயிற்சி அளித்து வருகிறார் ஆஸ்திரேலிய முன்னாள் சுழல் ஜாம்பவான் ஷேன் வார்ன். குறிப்பாக, ஆஸ்திரேலிய அணியினர் சிட்னி மைதானம் சுழலுக்கு சாதகமாக மாற்றப்பட்டுள்ளது என்று புகார் தெரிவித்த நிலையில், இந்த பெண்ட் நிமிர்த்தும் வேலையில் ஷேன் வார்ன் இறங்கியுள்ளார். இந்திய அணிக்கு ஆதரவாக ஐசிசி செயல்படுகிறது என்று முதலிலேயே ஆஸ்திரேலிய அணியினர் புகார் தெரிவித்து விட்டனர். இந்நிலையில் தனது நாட்டு அணிக்காக களத்தில் குதித்துள்ள ஷேன் வார்ன், ஆஸ்திரேலிய அணியினர் வலைப்பயிற்சியில் ஈடுபட்ட போது, மிக்கேல் க்ளார்க்குக்கு தீவிரமாக சுழற் பந்து வீசி பயிற்சி அளித்தார். தற்போது, பார்மில் இருக்கும் இந்திய சுழல் பந்து வீச்சாளர் அஸ்வினின் சுழலை நாளை எதிர்க்கொள்ளத் தேவையான நுணுக்கங்களை க்ளார்க்குக்கு அவர் பாடம் எடுத்துள்ளாராம். சிட்னி கிரிக்கெட் க்ரௌண்டில் 14 போட்டிகளில் 64 விக்கெட் சாய்த்தவர் ஷேன் வார்ன். இங்கே 26 ஒருநாள் போட்டிகளில் 43 விக்கெட்களை சாய்த்துள்ளார். 23 வருடங்களுக்கு முன் இங்கே அவர் அறிமுகமானாராம். ஷேன் வார்ன்னின் பயிற்சி முயற்சி குறித்து, ஆஸ்திரேலியாவில் பரவலாக டிவிட்டர் செய்திகள் விவாதிக்கப்பட்டு வருகின்றன. லெக் ஸ்பின்னில் கலக்கும் வார்ன் எப்படி, அஸ்வினின் வித விதமான ஸ்டைலை எதிர்கொள்ள க்ளார்க்குக்கு கற்றுத் தரப் போகிறார் என்று கமெண்ட்டும் இல்லாமலில்லை!
.@ShaneWarne helping @MClarke23 prepare. @FOXSportsNews @FOXCricketLive pic.twitter.com/665utOVzNE — Neroli Meadows (@Neroli_M_FOX) March 25, 2015
Lol Aus so scared abt spin they asked Shane Warne to put down the mike and bowl pic.twitter.com/9H8sMXxFJT #AusvInd #INDvAUS — Viraj Deshpande (@criczest) March 25, 2015
