சுரங்க முறைகேடு வழக்கு: சம்மனை எதிர்த்து உச்ச நீதிமன்றத்தில் மன்மோகன் சிங் மனு

புது தில்லி: நிலக்கரி சுரங்க முறைகேடு தொடர்பாக சிறப்பு நீதிமன்றம் அளித்த சம்மன் உத்தரவை எதிர்த்து மன்மோகன் சிங் உச்ச நீதிமன்றத்தில் மனு தாக்கல் செய்துள்ளார். நிலக்கரிச் சுரங்க ஒதுக்கீடு முறைகேடு தொடர்பாக குற்றம் சாட்டப்பட்டோர் பட்டியலில் சேர்க்கப்பட்ட மன்மோகன் சிங், குமார்மங்கலம் பிர்லா ஆகியோருக்கு சிறப்பு நீதிமன்றம் நேரில் ஆஜராக சம்மன் அனுப்பியது. இதனை எதிர்த்து மன்மோகன் சிங் மற்றும் பிர்லா ஆகியோர் உச்ச நீதிமன்றத்தில் மனு தாக்கல் செய்துள்ளனர். முன்னதாக, ஜனவரி 20-ஆம் தேதி மன்மோகன் சிங்கின் வாக்குமூலத்தை சிபிஐ பதிவு செய்தது. வரும் ஏப்ரல் 8-ம் தேதி மன்மோகன் சிங்கும், குமார்மங்கலம் பிர்லாவும் நீதிமன்றத்தில் ஆஜராக உத்தரவு பிறப்பிக்கப்பட்டது.