‘ஸ்ரீ பாலாஜி மகிமை’ : குறுந்தகடு வெளியிட்டார் ஆளுநர் ரோசய்யா

உள்ளூர் செய்திகள்

sri-balaji-mahimai தமிழக கவர்னர் டாக்டர்.ரோசய்யா வெளியிட்ட ‘ஸ்ரீ பாலாஜி மகிமை’ இசை ‘ஸ்ரீ பாலாஜி மகிமை’ படத்தின் இசை வெளியீடு, கவர்னர் மாளிகையில் தமிழ்நாடு கவர்னர் டாக்டர்.ரோசய்யா அவர்களால் முதல் சிடி வெளியிட நடைபெற்றது. இந்த நிகழ்ச்சியில் திருமலை திருப்பதி தேவஸ்தான நிர்வாகிகள், இப்படத்தில் பாடல் பாடிய உன்னி கிருஷ்ணன், சரிகம சென்னை மேலாளர் ஆனந்த், சின்னி ஜெயந்த், ரங்கநாயகலு மற்றும் இப்படத்தில் பணியாற்றவர்கள் பலரும் கலந்து கொண்டார்கள். எம்.ஜி.எஸ் பிலிம்ஸ் தயாரிப்பில் எம்.வி. கோபால் ராம் இயக்கும் இந்தப் படத்தின் படப்பிடிப்பு முடிவடைந்து தற்போது ஸ்பெஷல் எஃபெக்ட், பின்னணி இசைச் சேர்ப்பு உள்ளிட்ட வேலைகள் நடந்து கொண்டிருக்கிறது. மே மாதம் படம் திரைக்கு வரும் விதத்தில் பணிகள் நடந்து வருகிறது. இப்படத்தில் சாய் கிரண் ‘ஸ்ரீ பாலாஜி’ கடவுளாகவும், படத்தின் இயக்குனர் கோபால் ராம் பக்தராக முக்கிய கதாபாத்திரத்திலும் நடிக்கிறார்கள். மற்றும் டெல்லி கணேஷ், வையாபுரி, விச்சு, விஜய்பாலாஜி, தமிழ்மணி, ஸ்ரீவித்யா, டப்பிங் ஜானகி, சங்கீதா, அஞ்சலி உள்ளிட்ட பலர் நடித்திருக்கிறார்கள். கடவுள் கொடுக்கும் வாய்ப்பினைச் சரியாகப் பயன்படுத்திக் கொள்ளாமல் அதனைத் தவறான வழியில் பயன்படுத்தும் மனிதன் தவறு செய்யும் போது கடவுள் நேரில் வந்து செய்யும் அற்புதங்களையும் சமுதாயத்திற்குத் தேவையான நல்ல விஷயங்களை அறிவுறுத்துவதையும் சுவைபடச் சொல்லும் படமாக ‘ஸ்ரீ பாலாஜி மகிமை’ இருக்கும் என்கிறார் இயக்குனர் கோபால் ராம். இதன் படப்பிடிப்பு சென்னை, ஊத்துக்கோட்டை, திருப்பதியில் நடைபெற்றது.இரண்டு இசையமைப்பாளர்கள் பார்த்தசாரதி மற்றும் ராஜ்பாஸ்கர் இணைந்து இசைமழை பொழிந்திருக்கிறார்கள். பாடல்களை பன்னீர் செல்வம் எழுதியிருக்கிறார்.இப்பாடல்களை உன்னி கிருஷ்ணன், சாகேத் , பானு, சமீரா ஆகியோர்  பாடியுள்ளனர். தொழிற்நுட்ப  கலைஞர்கள் கதை – திரைக்கதை – இயக்கம்  – எம்..வி. கோபால் ராம், ஒளிப்பதிவு – ராம் யோகா இசை –  பார்த்தசாரதி , ராஜ்பாஸ்கர், பாடல்கள் – பன்னீர் செல்வம் மக்கள் தொடர்பு: S.செல்வரகு தயாரிப்பு : எம்.ஜி.எஸ் பிலிம்ஸ்

Posts by செங்கோட்டை ஸ்ரீராம்:

செங்கோட்டை ஸ்ரீராம்

பத்திரிகையாளர், எழுத்தாளர். | தமிழ் தினசரி இணைய நிறுவுனர், ஆசிரியர் | விஜயபாரதம் இதழில் உதவி ஆசிரியர், மஞ்சரி டைஜஸ்ட், விகடன் பிரசுரம், சக்தி விகடன், கல்கியின் தீபம் இதழ்களில் பொறுப்பாசிரியராகப் பணி புரிந்தவர். | தினமணி இணையம் (dinamani.com), Asianet News Tamil ஆகியவற்றில் செய்தி ஆசிரியராக பணியாற்றியவர். | வானொலி ஆர்.ஜே., பொதிகை தொலைக்காட்சியில் செய்தி அலசல் நேரலை நிகழ்ச்சி என ஊடகத் துறையின் பல்வேறு தளங்களிலும் பணியாற்றியவர். | இவரது இதழியல் பணிக்காக, கோல்கத்தா பாரதிய பாஷா பரிஷத் அமைப்பு ‘யுவ புரஸ்கார்-08 தேசிய இலக்கிய விருது’ வழங்கியுள்ளது. |

https://www.dhinasari.com