உதட்டில் வெள்ளையா?
வில்வக்காயை உடைத்து அதன் ஓட்டைத் தாய்ப்பாலில் இழைத்தால் குழம்பு போல் வரும். இதனை உதட்டில் தடவி வர வெள்ளை நிறம் மாறிவிடும்.
சிறுநீரகக் கோளாறா?
முள்ளங்கியை இடித்துச் சாறெடுத்து தினமும் காலையில் ஒரு கரண்டி சாப்பிட்டு வர சிறுநீரகக் கோளாறு எதுவாக இருந்தாலும் குணமாகி விடும்.
நீரிழிவு நோய்க்கு…
நெல்லிக்காயை கொட்டை நீக்கி இடித்து சாறு பிழிந்து சம அளவு தேன் கலந்து ஒரு சிட்டிகை மஞ்சள் பொடியையும் கலந்து காலையில் வெறும் வயிற்றில் சாப்பிட்டு வர நீரிழிவு நோயை கட்டுப்படுத்தும்.
சாதாரண வயிற்று வலிக்கு…
ஓமம், மிளகு, உப்பு இவற்றை சமஅளவு இடித்துப் பொடி செய்து வைத்துக் கொண்டு ஒரு சிட்டிகை வெறும் வயிற்றில் சாப்பிட வயிற்று வலி காணாமல் போகும்.
வாழைப் பூவில் மருத்துவம்
வாழைப்பூச்சாற்றுடன் பனங்கற்கண்டு சேர்த்து பருக உதிரக் கடுப்பு நீங்கும். பெரும்பாடு பிணி நீங்கும். வாழைப்பூவை இடித்து சிற்றாமணக்கு எண்ணெய் விட்டு வதக்கி கை, கால் எரிச்சல் உள்ள
இடத்தில் ஒற்றடமிட்டு, பின்னர் இதனையே வைத்துக் கட்ட கை, எரிச்சல் நீங்கும்.
கால்படி வாழைப்பூச் சாற்றுடன் விலாமிச்சையை கொட்டைப் பாக்களவு அரைத்துக் குடித்து வர இரத்தக்கடுப்பு நீங்கும்.