ஐ.ஏ.எஸ் அதிகாரி மர்ம மரணம்: +2 பொதுத் தேர்வு ஒத்திவைப்பு

பெங்களூரு: பெங்களூரில், ஐ.ஏ.எஸ் அதிகாரி மர்மமான முறையில் மரணம் அடைந்ததால் ஏற்பட்ட போராட்டத்தால், இன்று நடைபெறவிருந்த ப்ளஸ் 2 கணிதம் மற்றும் புவியியல் தேர்வு மார்ச் 28ம் தேதிக்கு ஒத்தி வைக்கப்பட்டுள்ளது. பெங்களூருவைச் சேர்ந்த ஐ.ஏ.எஸ் அதிகாரி ரவி, தனது வீட்டில் மர்மமான முறையில் நேற்று தூக்கில் தொங்கினார். இதையடுத்து கோலார் மாவட்டத்தில் இன்று ஒரு நாள் துக்க தினம் அனுசரிக்கப்படுகிறது. இதனால் அங்கு கடைகள் அடைக்கப்பட்டு, போக்குவரத்து நிறுத்தி வைக்கப்பட்டுள்ளது. எனவே, பிளஸ் 2 மாணவர்களுக்கு இன்று நடைபெறவிருந்த தேர்வுகள் மார்ச் 28ம் தேதியில் நடத்தப்படும் என்று கார்நாடக மாவட்ட கல்வித்துறை அறிவித்துள்ளது.