சட்டப்பேரவை வன்முறை- உறுப்பினர்கள் மன்னிப்பு கேட்க வேண்டும்: அவைத் தலைவர்

திருவனந்தபுரம்: கடந்த 13ம் தேதி கேரள சட்டப் பேரவையில் வெடித்த வன்முறை சம்பவத்துக்கு, வன்முறையில் ஈடுபட்ட எம்எல்ஏக்கள் பொதுமக்களிடம் மன்னிப்பு கேட்க வேண்டும் என்று கேரள சட்டப்பேரவைத் தலைவர் சக்தன் கூறியுள்ளார். நம் நாட்டின் எந்தவொரு சட்டப்பேரவையிலும் இதுபோன்ற ஒரு சம்பவம் நடந்திருக்காது. அந்த நாள் சட்டப் பேரவையின் கருப்பு தினமாகும். அந்த சம்பவத்துக்காக நாம் தலைகுனிய வேண்டும், மக்களிடம் மன்னிப்புக் கோர வேண்டும். 13ம் தேதி சட்டப் பேரவையில் என்ன நடந்தது என்பதை உலகமே வேடிக்கை பார்த்துள்ளது. இதனால் புகழ்பெற்ற சட்டப் பேரவைக்கே இழுக்கு ஏற்பட்டுவிட்டது என்று கூறியுள்ளார் அவர்.