பெங்களூரு: கர்நாடகாவில் மணல் கொள்ளை மாபியாவிற்கு எதிராக செயல்பட்ட ஐ.ஏ.எஸ் அதிகாரி ரவிக்குமாரின் மர்ம மரணம் தொடர்பான விசாரணையை சிபிஐ-யிடம் ஒப்படைக்க வேண்டும் என அந்த மாநில பாஜக மக்களவை உறுப்பினர்கள் கோரிக்கை விடுத்துள்ளனர். இது தொடர்பாக அம்மாநில பாஜக மக்களவை உறுப்பினர்கள் நாடாளுமன்ற வளாகத்தில் ஆர்ப்பாட்டம் நடத்தினர். ரவியின் மரணத்தில் சந்தேகம் இருப்பதாகவும், கர்நாடகாவில் ஆளும் காங்கிரஸ் கட்சி, சிபிஐ விசாரணைக்கு உத்தரவிட வேண்டும் என்றும் ஆர்ப்பாட்டத்தில் ஈடுபட்ட மக்களவை உறுப்பினர்கள் வலியுறுத்தினர். இந்நிலையில், ரவியின் மரணம் குறித்த சர்ச்சை கர்நாடக சட்டப் பேரவையிலும் எதிரொலித்தது. சிபிஐ விசாரணை கோரி எதிர்க்கட்சியினர் அமளியில் ஈடுபட்டதால், அவை வரும் திங்கள்கிழமை வரை ஒத்திவைக்கப்பட்டது.
கர்நாடகத்தில் ஐ.ஏ.எஸ். அதிகாரி மர்ம மரணம்: சிபிஐ விசாரணைக்கு பாஜக கோரிக்கை
செங்கோட்டை ஸ்ரீராம்https://www.dhinasari.com
பத்திரிகையாளர், எழுத்தாளர். |
தமிழ் தினசரி இணைய நிறுவுனர், ஆசிரியர் |விஜயபாரதம் இதழில் உதவி ஆசிரியர், மஞ்சரி டைஜஸ்ட், விகடன் பிரசுரம், சக்தி விகடன், கல்கியின் தீபம் இதழ்களில் பொறுப்பாசிரியராகப் பணி புரிந்தவர். |தினமணி இணையம் (dinamani.com), Asianet News Tamil ஆகியவற்றில் செய்தி ஆசிரியராக பணியாற்றியவர். |சென்னை அகில இந்திய வானொலிக்காக, தேசியத் தலைவர்கள், சுதந்திரப் போராட்ட வீரர்கள், காஞ்சி மகா பெரியவர் தொடர்பான பல்வேறு செய்திக் கட்டுரைகளை எழுதியுள்ளார். |* வானொலி ஆர்.ஜே., பொதிகை தொலைக்காட்சியில் செய்தி அலசல் நேரலை நிகழ்ச்சி என ஊடகத் துறையின் பல்வேறு தளங்களிலும் பணியாற்றியவர். |விகடன் பிரசுரத்தின் மூலம் இவரது ஆறு நூல்கள் வெளியாகியுள்ளன. |இவரது இதழியல் பணிக்காக, கோல்கத்தா பாரதிய பாஷா பரிஷத் அமைப்பு ‘யுவ புரஸ்கார்-08 தேசிய இலக்கிய விருது’ வழங்கியுள்ளது. |
