பெங்களூருவில் கர்நாடக காங்கிரஸ் எம்எல்ஏக்கள் கூட்டம் நடந்துவரும் நிலையில் 12 எம்எல்ஏக்களை காணவில்லை என்று தகவல் வெளியாகியுள்ளது. தேர்தலில் வெற்றி பெற்ற 78 எம்எல்ஏக்களில் 66 பேர் மட்டுமே காங்கிரஸ் கூட்டத்தில் பங்கேற்றுள்ளனர்.
இந்நிலையில், பாஜக-வுடன் கூட்டணி இல்லை என மதசார்பற்ற ஜனதா தள தலைவர் குமாரசாமி திட்டவட்ட அறிவிப்பு வெளியிட்டுள்ள நிலையில், மதசார்பற்ற ஜனதா தளத்தின் எம்எல்ஏக்கள் 2 பேர் மாயம் என தகவல் வெளியாகியுள்ளது. ராஜவெங்கடப்பா நாயக்கா, வெங்கட ராவ் ஆகியோர் எம்எல்ஏ கூட்டத்திற்கு வரவில்லை. குமாரசாமி தலைமையில் மஜத எம்எல்ஏக்கள் கூட்டம் நடைபெறுகிறது. எம்எல்ஏக்களை விலைக்கு வாங்க பாஜக முயற்சி என காங்கிரஸ் குற்றம்சாட்டியுள்ளது.
